هەر لە سەرەتای جێبەجێکردنی یاسای قەدەغەکردنی داپۆشینی ڕووخسارەوە، "ڕەشید نەککاز" بنکەکانی پۆلیسی فەڕەنسی ئاگادار کردووەتەوە و پێیڕاگەیاندوون، کە سەروەتی خۆی تەرخانکردووە بۆ لەئەستۆگرتنی ئەو غەڕامەیەی بەسەر کچە باڵاپۆشەکان دەسپێنرێت و، ڕووی قسەشی کردۆتە باڵاپۆشان و پێیان دەڵێت: "ئێوە خۆتان دابپۆشن، منیش لەبری ئێوە غەڕامەکە دەدەم".
بەڵێ، "ڕەشید نەککاز" بە دەستەڵاتدارانی فەڕەنسای وت "نا"، پڕ بە دەمیش بە ژنانی موسڵمانی وت: ئێوە ئازادانە و چۆنتان حەز لێیە بڕۆنە دەرەوە، منیش غەڕامەکەتان بۆ دەدەم.
ئای کە پیاوێکی جەربەزەیە، مرۆڤ نازانێت چۆن و بە کام دەستەواژە ستایشی ئەو هەڵوێستە جوامێرانەیەی بکات!، هاوکات شەرمەزارییەکی ئەستووریش داماندەگرێت، کە لە ئاست بەرپرسیارییەتە ئایینیەکانماندا نەك هەر کەمتەرخەمین، بەڵکو زۆرجار لە ئاست شکاندنی شکۆی ئایینە جوانەکەمان بێدەنگ و بێهەڵوێستین!.
إرسال تعليق