دوعای پێغەمبەر بۆ بنەبڕکردنی خەوزڕان

ئیمامی "طبرانی" (خوا لێی ڕازی بێ) دەگێڕێتەوە، کە "زەیدی کوڕی سابیت" (خوا لێی ڕازی بێ) فەرموویەتی: شەکوا و سکاڵای خۆم بردە لای پێغەمبەر "دخ" بەهۆی ئەو خەوزڕان و بێخەوییەی تووشم بوو بوو و شەوان خەوم لێنەدەکەوت.

"زەیدی کوڕی سابیت" (خوا لێی ڕازی بێ) دەفەرمووێت: پێغەمبەری خۆشەویستیش "دخ" ئامۆژگاری و ڕێنووێنی کردم کە ئەو دوعایە بخوێنم تا لەو بارە نالەبارەدا ڕزگارم ببێت.

ئەو دەڵێت پێغەمبەری خۆشەویست "دخ" فێری ئەو دوعایەی کردم و پێیوتم بڵێ:

"خودایە، ئەستێرەکان ئاوا بوون، چاوەکان هێور بوون، تۆش زیندوو و ڕاگر و سەرپەرشتیاری هەموو دروستکراوەکانی، نە وەنەوز و نە خەو ناتگرێت.. خودایە، ئەی زیندوو و ڕاگر و سەرپەرشتیاری هەموو دروستکراوەکان، شەوی من هێمن بکەوە و چاوەکانم بخەوێنە".

دەقی ئەسڵی دوعایەکە:

"اللَّهُمَّ غارَتِ النُّجُومُ وَهَدأتِ العُيُونُ وأنْتَ حَيُّ قَيُّومٌ لا تَأخُذُكَ سِنَةٌ وَلاَ نَوْمٌ، يا حيُّ يا قَيُّومُ أَهْدِىءْ لَيْلي، وأنِمْ عَيْنِي"