دوورگەی “مادێرا” دەکەوێتە ئۆقیانووسی ئەتڵەسی لە باکوری خۆرئاوای ئەفریقیا و سەر بە وڵاتی پورتوگالە، زیاتر لە 563 کیلۆمەتریش لە شانشینی مەغریبی دوورە، دوورگەکەش لەبنچینەدا لە 3 دوورگە پێکدێت: دوورگەی “مادێرای گەورە” و دوورگەی “پۆرتۆ سانتۆ” و دوورگەی “دیسیرتاس”.
دوورگەکانی “مادێرا” بە پاکوخاوێنی ئاوە قەشەنگ و بریسکاوییەکەی جیا دەبێتەوە، کە پلەی پاکوخاوێنی ئاوەکەی گەیشتۆتە ڕێژەی 98%، ئەوەش وایکردووە ببێتە باشترین ناوچەی دەریایی لە سەرتاسەری جیهان، هەروەکو تایبەتمەندییەکی ناوازەی دیکەی دوورگەکانی “مادێرا” لە لمە سپییەکەی و گژوگیا شیلانییە قەشەنگەکەی دایە.
شایەنی باسە، ژمارەی دانیشتووانی دوورگەکانی “مادێرا” دەگاتە 21 هەزار کەس، کە زۆربەیان کرێکارە ئیسپانی و پورتوگالییەکانن، کە لەوێدا لە کەرتی گەشتیاری کار دەکەن، هەروەکو 38 شوێنی گەشتیاری جیهانیش لەخۆدەگرێت، ڕێگای هاتوچۆکردنیش بۆ دوورگەکانی “مادێرا” بە ڕێگەی فڕۆکەخانەی “لشبۆنە”ـی پایتەختی پورتوگالەوە دەبێت.
إرسال تعليق