ئەگەر مرۆڤ سەرپشك بکرێت لە هەڵبژاردنی میوەیەك، کە ئەو تایبەتمەندییانە لەخۆبگرێت، بێگومان هەنار بژاردەیەکی لەپێشینەیە، کە هەر لە کۆنەوە بۆ مەبەستە پزیشکییەکان بەکارهێنراوە.
توێژینەوەیەکی نوێ، کە لەلایەن کۆمەڵەی خۆراکی بەڕیتانی و لەسەر میوەی هەنار ئەنجامدراوە بۆ دڵنیابوون لە ڕاستی بایەخ و گرنگییەکەی لە پاراستنی تەندروستی مرۆڤ و پارێزگاریکردن لە چەندین نەخۆشی جیاجیا، سەرەنجام توێژەران گەیشتنە ئەو ئەنجامەی، کە بە دڵنیاییەوە میوەی هەنار چەندین سوودی تەندروستی زۆر گرنگی هەیە، لەوانە:
|| هەنار سەرچاوەیەکی باشی ڕیشاڵەکانە و دەوڵەمەندە بە ڤیتامینەکانی A و C و E، هەروەها دەوڵەمەندە بە ماددەکانی ئاسن و دژە ئۆکسیدەکان.
|| خواردنەوەی پەرداخێك شەربەتی هەنار لە هەر ڕۆژێکدا، کاریگەری چەوری “کۆلیسترۆڵ” لەسەر خوێنبەرەکان کەمدەکاتەوە، کەڵەکەبوونی “کۆلیسترۆڵ”ـیش بە شێوەیەکی گشتی کەمدەکاتەوە.
|| خواردنەوەی پەرداخێك شەربەتی هەنار لە هەر ڕۆژێکدا، ڕۆیشتنی خوێن لەلای نەخۆشانی دڵ و خوێنبەرەکان باشتر دەکات، هەروەها ڕێژەی تووشبوون بە قەیرانی دڵ کەمتر دەکاتەوە.
|| خواردنەوەی پەرداخێك شەربەتی هەنار لە هەر ڕۆژێکدا، گەشەکردنی شێرپەنجەی پڕۆستات لەلای پیاوان بە شێوەیەکی گەورە کەمدەکاتەوە.
|| دەتواندرێت میوەی هەنار لەگەڵ خواردنەکان بەکاربهێنرێت وەکو سەرچاوەیەکی دەوڵەمەند بە پێکهاتە خۆراکییە سوودبەخشەکان، دەشتواندرێت وەکو شەربەت بەکاربهێنرێت بۆ خواردنەوە، لەگەڵ ئەوەی کە خۆمانی پێدەپارێزین لەو بەرهەمانەی شەکریان تێدەکرێت.
سەرچاوە/ https://www.bda.uk.com
إرسال تعليق