ئەبو دیابی فەڕەنسی، لە ماوەی پشووی پێکانەکەیدا، نۆزدە جوزئی قوڕئان لەبەر دەکات

(ئەبو دیابی) یاریزانی ئاستباڵای هێڵی ناوەڕاستی یانەی ئارسیناڵی ئینگلیزی، لە سەرەتای وەرزی نوێی ئەمساڵی پرێمەرلیگدا، بە پێشکەشکردنی ئاستبەرزییەکی گەورەوە لە گەڵ تۆپوەشێنەکانی لەندەن دەرکەوت، بەڵام زۆری نەبرد، کاتێك لەیاری دێربی لەندەنی لە گەڵ یانەی (چێڵسی)، دووچاری پێکانێکی دژوار هات و، بەهۆیەوە لە یاریگاکان دوورکەوتەوە.

بەڵام وەکو دەڵێن (ربّ ضارّة نافعة)، (دیابی) ماوەی پشوودانەکەی بەهۆی پێکانەوە بە دەرفەت دەزانێت و (١٩) جوزئی قورئانی پیرۆز لەبەر دەکات.

ڕۆژنامەی (ڕیببلیکا ئۆنلاین) ی ئیندەنوسی ڕایگەیاندووە، کە ئەبو دیابی تەمەن (٢٧) ساڵ، کەسێکە پەیڕەوی لە ئاینی پیرۆزی ئیسلام دەکات و کاری پێ دەکات و، بەردەوام لە بابەتەکانی بواری ئیسلامیدا دەخوێنێتەوە.