ئەو دووپاتی لەوە كردەوە، كە پێویستە بە پرۆژەكانی گەشەپێدان لە وڵاتانی ئەفریقی ئەو گەنجانە ڕزگار بكرێن و دەرفەتی كاركردنیان بۆ بڕەخسێنرێت، كە یارمەتیدەریان بێت بۆ بەدەستهێنانی ژیانێكی سەربەرزانە.
ناوبراو لە دیمانەیەكی ڕۆژنامەوانیدا دەڵێت: شەریعەتی ئیسلام دەتوانێت ئیدارەی "ئابوریەكی ئەخلاقی" بدات كە دادپەروەری لەناو خەڵكدا بچەسپێنێت و ژیانێكی خۆش بۆ هەمووان دابین بكات.
شێخ ئەمین عوسمان پێیوایە، ئیسلام خاوەن بەرنامەیەكی گشتگیرە و جوانترین وێنەكانی پشتیوانیكردنی كۆمەڵایەتی و مرۆیی بۆ ئەو كەسانە دەستەبەر دەكات كە باری تەندروستی و كۆمەڵایەتییان بووەتە بەربەست لە بەردەم كاركردن و بەدەستهێنانی بژێوییەكی گونجاو بۆ خۆیان و خانەوادەكانیان.
موفتی ئەریتیریا جەخت لەسەر ئەوە دەكاتەوە كە هەموو كۆمەڵگاكانی ئیسلامی پێویستیان هەیە بە جێبەجێكردنێكی دروستی شەریعەتی ئیسلام، چونكە بە وتەی ئەو، ئیسلام چارەسەری هەڵگرتووە بۆ هەموو كێشە و قەیرانەكان.
إرسال تعليق