به‌هۆی لێهاتووییه‌كه‌ی له كاری كشتوكاڵییدا، كه به‌هره‌مه‌ندی و ده‌ستڕه‌نگینی خۆی له‌و بواره‌دا نه‌خشاندووه، هاوکات جووتیارێكی به سه‌لیقه‌یە و دانیشتوونی به‌ریتانیایه،(پیته‌ر جلازبرۆك) توانی سه‌ركه‌وتوو بێت له تۆماركردنی ناوی خۆی له په‌رتووكی (گینیس)، به‌وه‌ی له‌ناو كێڵگه‌كه‌یدا، پیازێكی به‌رهه‌مهێنا، كه كێشی قوڕسییه‌كه‌ی ده‌گاته نۆ كیلۆ، كه ئه‌وه بۆ یه‌كه‌مجاره، به‌رهه‌مێكی كشتوكاڵی له بواری به‌رهه‌مهێنانی پیازدا، به‌و قوڕسییه‌وه ببینرێت. (پیته‌ر جلازبرۆك) هه‌میش هه‌وڵی چاندنی گه‌وره‌ترین پیازی ده‌دا، له پێناو شكاندنی ژماره‌ی پێوانه‌یی گه‌وره‌ترین دانه‌ی پیاز، كه ماوه‌ی (25) ساڵه تۆماركراوه، ئه‌و له لێدوانێكیدا بۆ ڕۆژنامه‌ی (تایمز) ی به‌ریتانی ڕایگه‌یاند، ئه‌و پیازی تایبه‌ت به خۆی ده‌چاند له بری خواردنی، چونكه وه‌كو خۆی ده‌یڵێت، ئه‌وه ده‌بێته هۆی ئه‌وه‌ی خه‌ڵكێكی زۆر لێی بخوات، وه كاریگه‌ری هه‌بێت به سه‌ر ئه‌وانی دیكه‌وه.
إرسال تعليق