كێشه‌ی ئه‌و ژن و پیاوه، به پێی حوكمێكی شه‌رعی كۆتایی پێهات، دوای ئه‌وه‌ی ئافره‌ته‌كه ڕه‌تیكرده‌وه بچێته‌وه ماڵی هاوسه‌رێتی، حوكمه شه‌رعییه‌كه‌ش، گرێبه‌ندی هاوسه‌رگیرییه‌كه‌یانی هه‌ڵوه‌شانده‌وه، له به‌رامبه‌ریشدا، ژنه‌كه ناچار كرا به پێدانی قه‌ره‌بوو به مێرده‌كه‌ی، كه بریتییه له (15) هه‌زار دۆلار.
به گوێره‌ی ڕۆژنامه‌ی (المدینة) ی سعودی، وورده‌كاری كێشه‌كه ده‌گه‌ڕێته‌وه بۆ ئه‌وه‌ی، كه مێرده‌كه، داوایه‌كی له دژی ژنه‌كه‌ی له دادگای (ضمد) تۆماركرد، به هۆی ئه‌وه‌ی، كه ژنه‌كه، دوای پێنج ڕۆژ له بووكێنییه‌كه‌ی، ماڵی هاوسه‌رێتی جێهێشتووه، مێرده‌كه له داواكه‌یدا داوایكردبوو، کە ژنه‌كه‌ی به ملكه‌چی و گوێڕایه‌ڵی بگه‌ڕێته‌وه، لای خۆشییه‌وه ئافره‌ته‌كه له به‌رده‌م دادگادا پاساوی جێهێشتنی ماڵی هاوسه‌رێتی به‌وه هێنایه‌وه، کە مێرده‌كه مامه‌ڵه‌ی له گه‌ڵیدا خراپه و نوێژ ناكات و ته‌ماشای شتی خراپ ده‌كات.
سه‌ره‌نجام كێشه‌كه‌یان به جیابوونه‌وه كۆتاییهات و ماڵی هاوسه‌رێتییان بۆ یه‌كجاری هه‌ڵوه‌شێنرایه‌وه.
إرسال تعليق