به‌ڵام ئه‌وه‌ی زۆر سه‌یرتر بوو له‌و گه‌شته‌ی هه‌ڵبژارده‌ی ئه‌رجه‌نتین، ئه‌و گۆڵه جیاوازه‌ی لیۆنێل میسی بوو، كه قه‌ره‌بووی گۆڵنه‌كردنه‌وه‌ی له تۆڕی هه‌ڵبژارده‌ی سعودیه كرده‌وه و، ده‌ستكه‌وتێكی گه‌وره‌ی له سه‌ر ئاستی تاكه‌كه‌سی بۆ خۆی تۆماركرد، كاتێك له لایه‌ن خێزانێكی سعودییه‌وه بۆ ماوه‌ی ته‌نها (10) خوله‌ك داوه‌تكرا، له به‌رامبه‌ر ئه‌وه‌شدا، بڕی دوو ملیۆن دۆلاری ئه‌مریكی وه‌رگرت!!!.
ئه‌و ڕه‌فتاره‌ی ئه‌و خێزانه سعودییه، تووڕه‌ییه‌كی زۆری له پێگه كۆمه‌ڵایه‌تییه‌كان لێكه‌وته‌وه و، به له‌خۆباییبوون و لووتبه‌رزی و گوێنه‌دان به ڕه‌وشی گوزه‌رانی خه‌ڵكی هه‌ژار و ده‌ستكورت وه‌سفیانكرد.
هه‌قوایه ئێمەش بپرسین، ئه‌و ده‌وڵه‌مه‌ند و سه‌رمایه‌داره عه‌ڕه‌بانه، تاكه‌ی ده‌ستبه‌رداری ئه‌و حه‌ز و ئاره‌زووە بێمانایه‌یان نابن، ئایا باشتر نه‌بوو ئه‌و مه‌بله‌غه پاره‌یه‌ی درایه لیۆنێل میسی، كه هه‌فتانه زیاتر له هه‌مان مه‌بله‌غ وه‌رده‌گرێت، به‌خشرابووایه خه‌ڵكی غه‌ززه و سوریا و بۆرما، كه زۆر زۆر پێویستیان پێیه‌تی؟!، نه‌ك هه‌ر ئه‌وه‌نده‌ش، به‌ڵكه كه‌سانێك هه‌ن پێویستیان به چه‌ند دۆلارێك هه‌یه بۆ ئه‌وه‌ی ژیانی هه‌موو خێزانه‌كانیان ڕزگار بكه‌ن.
إرسال تعليق