دوای تۆماركردنی گۆڵی بردنه‌وه‌ بۆ یانه‌كه‌ی، سه‌میر نه‌سڕی به‌ ئاهه‌نگگێڕانی موسڵمانانه‌، پیرۆزبایی جه‌ژن له‌ جیهانی ئیسلامی ده‌كات

هه‌میشه‌ ڕه‌وشتی موسڵمانه‌ ڕاسته‌قینه‌كان وابووه‌، به‌ تایبه‌ت ئه‌وانه‌ی شوهره‌تیان هه‌یه‌ و خاوه‌نی هه‌وادرێكی به‌رافراونی جیهانین، له‌ ساته‌وه‌خته‌ گرینگ و گه‌وره‌كاندا، دووپات له‌ ئینتیمای ئایینی خۆیان بۆ ڕێبازی ئیسلام ده‌كه‌نه‌وه‌ و، دڵخۆشی خۆیان به‌و هه‌ڵوێسته‌ به‌رزه‌یان ده‌رده‌بڕن. 

له‌ یه‌كه‌م یاری یانه‌كه‌ی، له‌ ده‌سپێكی پرێمه‌رلیگدا، (سه‌میر نه‌سڕی) یاریزانی یانه‌ی مانچسته‌ر سیتی، له‌ كاتی تۆماركردنی گۆڵی سێیه‌م و بردنه‌وه‌ی یانه‌كه‌ی له‌ به‌رامبه‌ر یانه‌ی (ساوشامپتۆن)، هه‌ڵسا به‌ پیرۆزباییكردن له‌ جیهانی ئیسلامی، به‌بۆنه‌ی جه‌ژنی ڕه‌مه‌زانی  پیرۆزه‌وه‌، ئه‌مه‌ش له‌ دیمه‌نێكی زۆر جوان و سه‌رنجڕاكێشدا، كاتێك درێسه‌كه‌ی به‌رز كرده‌وه‌ و، نووسینێك به‌ زمانی ئینگلیزی ده‌ركه‌وت، كه‌ نووسرابوو (EID MUBARAK)، واته‌ جه‌ژنتان پیرۆز بێت.