سەرەتا دەبێ ئەوە بزانین کە بنچینە لە قوڕئانی پیرۆزدا ئەوەیە نابێ بسووتێندرێت، مادام بە کەڵکی خوێندنەوە دێت، ئەوەش وەک ڕێزگرتن و بە بەرزڕاگرتنی ئەو کتێبە پیرۆزەیە، کە پێویستە هەر موسڵمانێک بە مامەڵەیەکی شایستە بینرخێنێت و بیپارێزێت.
بەڵام ئەگەر پەڕەکانی قوڕئانی پیرۆز کۆن بوون و بە کەڵکی خوێندنەوە نەدەهات و موسڵمانان سوودیان لێوەرنەدەگرت، دروستە بسووتێندرێت، ئەوەش وەک پاراستنە بۆ پایە و پێگەی قوڕئانی پیرۆز، زۆربەی هەرە زۆری زانایانیش لەسەر ئەو بۆچوونە هاوڕان.
بەڵام ئەوەی گرنگە و پەیوەندی بە خودی سووتاندنەکەوە هەیە ئەوەیە، کە وا باشترە لەسەر ڕووبارێک بسووتێندرێت و خۆڵەمێشەکەی بکرێت بە ئاوەکەیدا، یان ئەگەر ئەوەش نەکرا لە پاش سووتاندنەکەی لە خاکێک یان زەوییەکی پاک بشاردرێتەوە، کە هاتوچۆ و حاجەتی مرۆڤەکانی بەسەرەوە نەبێت.
خوای گەورەش بەرزتر و زاناترە.
إرسال تعليق