دوێنێ ئێوارە لە میانی پەیوەندییەکی تەلەفۆنی لەگەڵ بەرنامەی "هێڵی ڕاستەوخۆ"، کە لەسەر ڕادیۆ و تەلەفزیۆنی شاریقە پەخش دەکرێت، ناوبراو وتی: "ئەو خەڵکە بەرەکەتن بۆ ئێمە، لە بەیانی تا ئێوارە من لە شەقامەکانی شاریقەم، بەدوای کەسانی موحتاجدا دەگەڕێم تا پێوێستییەکانیان بۆ جێبەجێ بکەم".
سوڵتان موحەممەد ئەلقاسمی لە درێژەی قسەکانیدا دەڵێت: " نابێت گاڵتە بە مامۆستا بکرێت، چونکە زانست بە قوتابیان دەبەخشێت و گەشە بە عەقڵیان دەدات و، لە میانی زانستەکەیدا کەسایەتییەکەیان بنیات دەنێت، بۆیە داوا لە خوێندکاران دەکەم ڕێز لە مامۆستایان بگرن و لە وەرزەکانی خوێندندا هاوکار و پشتیوانیان بن".
ناوبراو ئەوەشی وت: "سەقامگیریی کادرانی پەروەردە و فێرکردن لە مامۆستایان، فاکتەرێکی گرنگە بۆ سەقامگیریی کاروانی پەروەردە و فێرکردن، بۆیە دەبێت گرنگی زۆر بدەین بۆ بەدیهێنانی ئەو ئامانجە ستراتیژییەمان".
إرسال تعليق