ئەو زانا ئایینیە بناسن، کە مەرجەعی تیرۆرستانە لە کوشتنی خەڵکی مەدەنی و ژن و منداڵ

گروپە توندڕۆ و خوێنڕێژەکان، لە سەروویانەوە داعش و قاعیدە، کە کردەوە تیرۆریستییەکان ئەنجام دەدەن و خەڵکی بێگوناهـ دەکەنە ئامانج، لە بنچینەدا پشت بە فەتوای گومڕاکەر دەبەستن، وەک فەتوای "إبن عثیمین"ـی سعودی، کە کوشتنی ژن و منداڵی بە حەڵاڵ داناوە، بۆیە تیرۆرستان ئەو پیاوەیان کردووەتە مەرجەعی خۆیان لە کوشتنی خەڵکی مەدەنی و ژن و منداڵ.

ڕاگەیاندنەکانی خۆرئاوا ئەو جۆرە فەتوایانەیان کردووەتە بیانوو و پاساو بۆ بەهێزترکردنی ئیسلامۆفۆبیا وهاندانی ڕای گشتی خۆرئاوا بۆ دوژمنایەتیکردنی موسڵمانان.

دەقی فەتوای "إبن عثیمین" کە کوشتنی ژن و منداڵی بە حەڵاڵ داناوە:

ئەوەی دیارە، بۆمان هەیە ژن و منداڵ بکوژین، چونکە بەوە دەتوانین ورە و دڵی دوژمنان بشکێنین و ڕیسوایان بکەین، وە لەبەر گشتگیری ئەو ئایەتەی قوڕئانی پیرۆز، کە خوای گەورە تێیدا دەفەرمووێت: فَمَنِ اعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَى عَلَيْكُمْ 

جێگەی باسە، "إبن عثیمین" لە ساڵی ١٩٢٩ لە سعودیە لەدایکبووە و، هەر لەوێش لە ساڵی ٢٠٠١ـدا کۆچی دوایی کردووە، خاوەن فیکرەیەکی توند بووە، فەتواکانی ناکۆک و پێچەوان لەگەڵ بنچینەکانی قوڕئان و فەرموودە، لە ئێستاشدا شوێنکەوتووێکی زۆری هەیە لە هەموو جیهانی ئیسلامی، بە تایبەت سەلەفییەکان، تەنانەت خەڵکێکی زۆر لە هەرێمی کوردستان هەڵگری هەمان فیکرە و خاوەنی هەمان ئایدۆلۆژیایە، هەرچەندە  "إبن عثیمین" لە ژیاندا نەماوە،  بەڵام لە پاش خۆی فیتنەیەکی گەورەی جێهێشتووە بۆ موسڵمانان و هەموو مرۆڤایەتی.