هەر چەندە ئەوە سوننەتێکە لە سوننەتە گرینگەکانی پێغەمبەری خۆشەویستمان (دروودی خوای لەسەر بێت)، بەڵام شیکارێکی زانستی بایەخداریشی لەسەر هەیە، کە زۆر گرینگە موسڵمانان بیزانن.
پسپۆڕانی بواری زانستیی دەڵێن: لە مانگی سێیەمی تەمەنی کۆرپەلە لەناو سکی دایکی، ماددەیەک لەسەر سەر و جەستەی دروست دەبێت، کە پارێزەرە لە وشکی، لە کاتی لەدایکبوونیشی ئەو ماددەیە بەردەوام دەبێت لە مانەوە لەسەر سەر و جەستەی، ئەوەش بۆ ئەوەیە کە منداڵەکە بتوانێت بەرەنگاری میکرۆبەکان ببێتەوە و بیپارێزێت لەو بەرکەوتنانەی لە ئەنجامی هاتنە دەرەوەی لە منداڵدانی دایکی تووشیان دەبێت.
لە کاتی لەدایکبوونیشیدا، دەبینین هەندێک موو سەر و جەستەی کۆرپەلە دادەپۆشێت، کە پێی دەڵێن "پرچی کۆرپەلە"، قژی کۆرپەلەش لەو دەمەدا هەندێک لە میکرۆبی لاواز هەڵدەگرێت، بەڵام لە کاتی تاشینی قژەکەی و لابردنی مووەکانی سەری، کۆرپەلە لەو میکڕۆبانە ڕزگاری دەبێت.
بەڵام ئەوەی زۆر گرینگە لە قژ تاشینەکە بیزانین، دەبێت لە ڕۆژی حەوتەمدا بێت، چونکە لە پاش ماوەیەکی زۆر لە لەدایکبوونەکە هیچ سوود و کەڵکێکی نابێت، چونکە میکڕۆبەکان خۆیان بەهێز دەکەن و زیان بە تەندروستی منداڵەکە دەگەیەنن.
تەنانەت لە کاتی قژ تاشینەکە، ئەگەر لە ڕۆژی حەوتەمدا بێت، مووەکانی قژی منداڵەکە دەستدەکەن بە پاکبوون و بەهێزبوون و کردنەوەی کونەکانی سەر، ئەوەش وا دەکات هەستەوەرەکانی بینین و بیستن و بۆنکردنی منداڵەکە بەهێز بن و مووەکانیشی نەرم بن.
بۆیە پێویستە لەسەر دایکان و باوکان بە بایەخ و گرنگییەوە بۆ ئەو سوننەتە گەورەیەی پێغەمبەری خۆشەویستمان حەزرەتی موحەممەد (دروودی خوای لەسەر بێت) بڕوانن و، هەموو هەوڵێک بدەن بۆ ئەوەی لە ژێر ڕۆشنایی ئەو ئامۆژگارییە زێڕینەدا سەرتایەکی گەش و گەورە بە کۆرپەلە تازە لەدایکبووەکەیان ببەخشن.
إرسال تعليق