تەنانەت ڕووەکێکی بچووکیش نییە گوزارشت لەسەر هۆکاری بوونی ژیان لەو شوێنە بکات.
هەر ئەوەشە وایکردووە ئەو درەختە ببێتە مایەی تێڕامان و زۆر کەسیش بە دوای کۆکردنەوەی زانیاری لەسەری بگەڕێن، بۆ ئەوەی نهێنییەکەی بدۆزنەوە.
درەختی ژیان دەکەوێتە بیابانی "سەخیر" لە دووری (35) کیلۆمەتر لە مەنامەی پایتەختی وڵاتی بەحرەین.
زانیارییەکانی پسپۆڕانی بواری جیۆلۆجی "زەویناسی" ئاماژە بۆ ئەوە دەکەن، کە ڕەگ و ڕیشەی درەختی ژیان بۆ نزیکەی 400 ساڵ درێژ دەبێتەوە، درێژییەکەشی دەگاتە (9.7) مەتر، ئەوان تا ئێستاش نەگەیشتوونەتە زانیاری ڕوون لەسەر نهێنی مانەوەی ئەو درەختە بە درێژایی ئەو هەموو ساڵانە، بە تایبەت کە لەو بیابانەدا ئاو بوونی نییە جگە لە ئاوی باران نەبێ کە ئەویش زۆر کەمە لە بەحرەین، کە ئەوەش وایکردووە ئەو درەختە ببێتە یەکێك لە شتە سەرسوڕهێنەرەکان، کە تا ئێستاش تینووێتی زانایان لە زانینی نهێنی مانەوەی نەشکاوە.
إرسال تعليق