پاشەکشەی ئاستی هونەری و ئەنجامە خراپەکانی ئەو دواییانەی یانەکە، بە تایبەت دۆڕانە گەورەکەی دوێنێی لەسەر یاریگای خۆی لە بەرامبەر یانەی لیڤەرپول بە ئەنجامی (5-0)، ئیدارەی یانەکەی ناچار کرد پەلە بکەن لە کۆتاییهێنان بە سەرکێشییەکەی "بواش" لەگەڵ تۆتنهام، کە هاوشێوەی سەرکێشییەکەی پێشووی لەگەڵ یانەی چێلسی ئینگلیزی، درێژخایەن نەبوو.
لە ڕاگەیەنراوە فەرمییەکەدا کە لەسەر پێگەی یانەکە لەسەر تۆڕی ئینتەرنێت بڵاوکراوەتەوە، هاتووە: یانەی تۆتنهام هۆتسبێرز لەگەڵ "ئەندریا فیلاش بواش" گەیشتوونەتە ڕێککەوتن بە دەستبەرداربوونی ئەوەی دوایی لە مەشقدانەوەی کەتیبە لەندەنییەکە، کە لە بەرژەوەندی گشتی یانەکەدایە.
شایەنی باسە لە ساڵی (2012) دا، "ئەندریا فیلاش بواش" بووە جێگرەوەی ڕاهێنەری پێشووی یانەکە "هاری ڕێدناب"، بەڵام بەهۆی ئەنجامە خراپەکانی ئەو دواییانەی یانەکە، پەیوەندی "ئەندریا فیلاش بواش"و "دانیێل لیڤی" سەرۆکی یانەکە تێکچوو و، دەرەنجامی سیناریۆ پێشبینیکراوەکانیش بە دوورخستنەوەی ڕاهێنەرە پورتوگالییەکە کۆتاییهات.
إرسال تعليق