هەروەها خورما یارمەتیدەرە بۆ ڕزگاربوون لە شڵەژانەکانی کۆئەندامی هەرسکردن، چونکە بەوە ناسراوە بە ئاسانی و بە خێرایی هەرسدەکرێت بە تایبەت ئەگەر لەسەر گەدەی بەتاڵ بخورێت.
لە توێژینەوەیەکی نوێی ئەمریکیشدا دەرکەوتووە، کە خورما توانای دابەزاندنی چەوری هەیە لە جەستەی مرۆڤ بە ڕێژەی نزیکەی 20%، ئەوەش مەترسییەکانی تووشبوون بە ڕەقبوونی خوێنبەرەکان و نۆرەکانی دڵ و وەستانی مێشک کەمدەکاتەوە.
خورما بە سەرچاوەیەکی دەوڵەمەندە بە ڤیتامین B دادەنرێت کە خانەکانی لەش نوێدەکاتەوە، هەروەکو ڤیتامین A لەخۆدەگرێت و، دەوڵەمەندیشە بە پۆتاسیۆم و کالیسیۆم و فسفۆڕ، بێجگە لەوەی کە ماددەی ئاسنی تێدایە، یەکێکی دیکەش لە تایبەتمەندییەکانی خورما ئەوەیە کە کۆلیسترۆل و چەوری تێدا نییە.
ماوەتەوە ئاماژە بۆ ئەوە بکەین، کە حەزرەتی عائیشە (خوا لێی ڕازی بێ) دەگێڕێتەوە، کە پێغەمبەری خۆشەویستمان (دخ) فەرموویەتی: هەر ماڵێک خورمای تێدا بێ، ئەهلی ئەو ماڵە برسی نابن.
إرسال تعليق