ئەویش بەو شێوەیە وەڵامیان دەداتەوە: ژنێک هەبووە پێنج کچی یەک لە دوای یەک بووە، بۆیە مێردەکەی هەڕەشەی لێدەکات، ئەگەر ئەوجارە کچت ببێت، من نامەوێت و فڕێی دەدەم.. هەرواش بوو، چونکە ژنەکە ئەوجارەش کچی بوو و بووە خاوەنی شەش کچ!.
پیاوەکە زۆر تووڕە بوو!، بۆیە لە دوای نوێژی عیشا منداڵە کچە تازە لەدایکبووەکەکەی بە مەلۆتکەیی لەبەر دەرگای مزگەوت فڕێدا، بەو مەبەستەی پیاوچاکێک بە خێری خۆی هەڵیبگرێتەوە، بەڵام لە کاتی نوێژی بەیانیدا، پیاوەکە دەبینێ کچەکە هەر لە شوێنی خۆی ماوە و کەس هەڵینەگرتووەتەوە!، بۆیە دەیباتەوە بۆ ماڵەوە، ئیدی بەو شێوەیە هەموو ڕۆژێک لە دوای نوێژی عیشا دەیبات لەبەر دەرگای مزگەوت فڕێی دەدات، بەڵام هەموو جار دەبینێ کچەکە هەر لە شوێنی خۆی ماوە و کەس هەڵینەگرتووەتەوە..!، تا حەوت ڕۆژ بەو شێوەیە پیاوەکە ئەو کارە دووبارە دەکاتەوە، بەڵام دایکی کچەکە هەموو جار قوڕئانی لەسەر دەخوێنێت.
پیاوەکە تەواو بێزار بوو لەو کارە، بۆیە بە یەکجاری هێنایەوە بۆ ماڵەوە، دایکی کچەکە بەوە زۆر دڵخۆش دەبێ، بەڵام چیرۆکەکە لێرەوە دەستپێدەکات، چونکە ئەوجارەشیان حەملی پەیدا دەبێت و سەرلەنوێ ترسەکە دەگەڕێتەوە!، بەڵام ئەوجارەیان خوای گەورە کوڕێکی پێبەخشین، زۆری نەبرد کچە گەورەکەی مرد!، دووبارە حەملی پەیدا دەبێت و ئەوجارەشیان خوای گەورە کوڕێکیان پێدەبەخشێت، زۆر ناخایەنێت کچگەورەکەی دیکەی مرد!، ئیدی تا ژنەکە پێنج کوڕی بوو و هەر پێنج کچەکەی دیکەی مردن!، بەس کچی شەشەمینیان مایەوە، کە پیاوەکە دەیویست لە کۆڵ خۆی بکاتەوە و چەند جارێکیش لەبەر دەرگای مزگەوت فڕێیدا.
ڕۆژان هاتن و چوون، ئەوجارەیان ژنەکە وەفاتی کرد!، کوڕەکان گەورە بوون، تەنیا کچەکە لای باوکی مایەوە!.
مامۆستا ئافرەتەکە بە هاوڕێ مامۆستاکانی وت: دەزانن ئەو کچە کێ بوو، کە باوکی دەیویست لە کۆڵ خۆی بکاتەوە و فڕێی بدات؟!.. مامۆستاکە وتی: ئەوە منم!، هەر لەبەر باوکیشم تا ئێستا مێردم نەکردووە، چونکە بەساڵاچووە و کەس نییە بەخێوی بکات!، منیش خزمەتکارێک و شۆفێرێکم بۆ گرتووە بۆ ئەوەی بچێت خزمەتی بکات تا لە کارەکەم دەگەڕێمەوە!، پێنج براکەی دیکەشم هەندێکیان مانگی یەک جار و هەندێکیشان دوو مانگ جارێک سەردانی دەکەن!، هەر چەند باوکیشمە بەردەوام دەگریێت، چونکە زۆر پەشیمانە لەوەی بە منی کرد لەو کاتەی لەدایکبووم!.
إرسال تعليق