شووشتنی قژ لە ماوەی سوڕی مانگانەدا مەترسیدارە

دکتۆرەیەکی تایوانی کە پسپۆڕە لە توێژینەوەکانی تایبەت بە شێرپەنجە لە زانکۆیەکی یابانی، پشکنینێکی لەسەر (30) هەزار ئافرەتی نەخۆشی تووشبوو بە شێرپەنجە ئەنجامدا، لە ئەنجامدا بۆی دەرکەوت، ئەو نەخۆشانە زۆر پەرۆش بوونە بۆ هەڵبژاردنی خۆراکەکانیان و لە ماوەی سوڕی مانگانەدا قژی خۆیان شووشتووە و شتی قوڕسیان هەڵگرتووە و خواردنەوە ساردەکانیان خواردووەتەوە.

ئەمانەش بوونەتە هۆکاری ئەوەی، کە هێلکۆکەکان بە تەواوەتی لە هێلکەدان نەیەنە دەرەوە و، پاشماوەی خوێنی حەیزیش ببێتە مادەی ژەهراوی کە کار لەسەر تێکدانی هاوسەنگی هۆڕمۆنەکانی جەستە بکات، سەرەنجامیش سەربکێشێت بۆ تووشبوون بە نەخۆشییەکانی شێرپەنجەی مەمك و هێلکەدان.

بۆ خۆپاراستن لەو نەخۆشییە، ئەو دکتۆرەیە لە میانی توێژینەوەکەیدا ئەو ڕێگەچارانەی هەڵبژاردووە:

1. گۆڕینی جۆری خواردەمەنییەکان و خواردنی سەوزەمەنییەکان بە شێوەیەکی بەردەوام.
2. نەشووشتنی قژ لە ماوەی سوڕی مانگانەدا، ئەوەش بەهۆی ئەو کاریگەرییە ساردەی کە سەردەکێشێت بۆ گرژبوونی هێلکەدان.
3. خوێنبەربوونی زۆر پێویستی بە پشکنینی پزیشك هەیە.
4. نەخواردنەوەی شلە ساردەکان لە کاتی هەستکردن بە ئارەزووکردنی خەو و درێژبوونەوەی مەمك یان هەستکردن بە قەبزی، چونکە ئەمانە نیشانەی سەرەتایی تووشبوونە بە شێرپەنجەی مەمك و هێلکەدان.