لێبووردەیی لە هاوڕێیەتییدا

دوو هاوڕێ بەیەکەوە لە بیابان دەڕۆیشتن، لە کاتی گەشتەکەیاندا لێیان بوو بە دەمەقاڵێ و، یەکێکیان دەستی لە ئەوەکەی دیکە کردەوە و زەللەیەکی لێدا!.

هاوڕێیەکەی هەستی بە ئازاری لێدانەکە کرد، بەبێ ئەوەی تەنها قسەیەکیش بکا، بۆیە لەسەر لمی بیابانەکە نووسی: ئەوڕۆ خۆشەویستترین هاوڕێم لە زەللەیەکی لێدام!.

دوو هاوڕێکە بەردەوام بوون لە ڕۆیشتن تا گەیشتنە مێرگێك، بۆیە بڕیاریاندا خۆیان بشۆن.

ئەو هاوڕێیەی زەللەکەی پێکەوتبوو، پێی خۆی لەسەر لمی جوڵاو دانابوو، بۆیە خەریکبوو نغرۆ ببێت، بەڵام هاوڕێکەی دەستیگرت و لە نغرۆبوون ڕزگاری کرد.

پاش ئەوەی هاوڕێكە لە مردن ڕزگاری بوو، هەڵسا لەسەر تاشە بەردێك نووسی: ئەوڕۆ خۆشەویستترین هاوڕێم لە مردن ڕزگاری کردم!.

ئەو هاوڕێیەی زەللەکەی لێدابوو و لە مردن ڕزگاری کردبوو پرسیاری لێکرد: جاری یەکەم کە لێمدای لەسەر لمت نووسی، بەڵام ئێستا کە لە مردن ڕزگارم کردی لەسەر تاشە بەردت نووسی؟!.

هاوڕێکەی وەڵامی دایەوە: کاتێك یەکێك ئازارمان دەدات، پێویستە ئەوەی ئەو دەرهەقی ئێمە کردی، لەسەر لم بینووسین، بۆ ئەوەی بە بای لێبووردەیی ڕەش ببێتەوە، بەڵام کاتێك یەکێك چاکەیەکمان لەگەڵ دەکات، پێویستە ئەوە چاکەیەی ئەو لەگەڵ ئێمە کردی، لەسەر تاشەبەرد بینووسین، بۆ ئەوەی هیچ جۆرە بایەك ڕەشی نەکاتەوە!.