بەرزترین شار لەسەر ئاستی جیهان بەرزییەکەی لەسەر ڕووی دەریا دەگاتە (3600) مەتر، بەڵام وێڕای ئەوەش، ژمارەی دانیشتووانەکەی نزیکەی یەك ملیۆن کەسە.
شاری "لاپاز" پایتەختی وڵاتی پۆلیڤیا لە کیشوەری ئەمریکای باشوور بە بەرزترین شار لەسەر ئاستی جیهان دەژمێردرێت، کە ناوەندی شارەکە دەکەوێتە سەر بەرزی (3600) مەتر لەسەر ڕووی دەریا، لە کاتێکدا بەرزترین گەڕەك تێیدا دەگاتە (4000) مەتر لەسەر ڕووی دەریا.
شاری "لاپاز" لە دۆڵی "شۆکیاگۆ مارکا" گەشەیسەندووە کە دەکەوێتە نێوانی هەردوو شاخی "هۆینا بۆتۆسی" کە لە بەرزی (6094) مەتر و شاخی "نیفادۆ ئیلیمانی" کە لە بەرزی (6460) مەتردایە، کە نزیکە لە دەریاچەی "تیتیکاکا".
شایەنی باسە پارێزگای "لاپاز" دەکەوێتە هەرێمی "مریلیۆ" لە وڵاتی پۆلیڤیا.
إرسال تعليق