له ئێستادا ساخته‌كاری زۆر ده‌كرێت له هه‌نگویندا، به ته‌رزێك كه ده‌ستكه‌وتنی هه‌نگوینی ئه‌سڵ زۆر زه‌حمه‌ت بووه، به مه‌به‌ستی ناسینه‌وه‌ی هه‌نگوینی ئه‌سڵ و ساخته، ده‌توانن به‌و چه‌ند هه‌نگاوه هه‌نگوینی ئه‌سڵتان ده‌ستبكه‌وێت و خۆتان له هه‌نگوینی ساخته به دوور بگرن:
- سه‌رێكی كه‌وچك بخه‌ره ناو هه‌نگوین، پاشان بیخه‌ره به‌ر ئاگر، ئینجا دووری بخه‌ره‌وه و وازی لێبهێنه تاوه‌كو سارد ده‌بێته‌وه، ئه‌گه‌ر گۆڕانكاری به‌سه‌ردا نه‌هات ئه‌وه هه‌نگوینی ئه‌سڵه، ئه‌گه‌ر نا هه‌نگوینی ساخته‌یه.
- كه‌وچكێك هه‌نگوین وه‌ربگره و له مه‌سافه‌یه‌كی بڵند بیڕێژه، ئه‌گه‌ر پچڕ پچڕ نه‌بوو، ئه‌وه هه‌نگوینی ئه‌سڵه، ئه‌گه‌ر نا هه‌نگوینی ساخته‌یه.
- دڵۆپێك هه‌نگوین وه‌ربگره و ڕاسته‌وخۆ بیڕژێنه سه‌ر خۆڵ، ئه‌گه‌ر له‌گه‌ڵ خۆڵه‌كه تێكه‌ڵ نه‌بوو، ئه‌وه هه‌نگوینی ئه‌سڵه، ئه‌گه‌ر نا هه‌نگوینی ساخته‌یه.
- ده‌نكه شكارته‌یه‌ك بێنه و بیخه‌ره ناو هه‌نگوین و ئینجا دایبگیرسێنه، ئه‌گه‌ر گڕی گرت ئه‌وه هه‌نگوینی ئه‌سڵه، ئه‌گه‌ر نا هه‌نگوینی ساخته‌یه.
- هه‌نگوینه‌كه بخه‌ره ناو فرێزه‌ری سه‌لاجه بۆ ماوه‌ی سێ تا چوار كاتژمێر، ئینجا هه‌نگوینه بكه ناو پیاڵه‌یه‌ك، ئه‌گه‌ر به ئاسانی ڕژایه ناو پیاڵه‌كه، ئه‌وه هه‌نگوینی ئه‌سڵه، ئه‌گه‌ر نا هه‌نگوینی ساخته‌یه.
- كه‌وچكێكی گه‌وره له هه‌نگوین بڕژێنه ناو ئاگر، ئه‌گه‌ر ڕه‌نگی ڕه‌ش بوو و بۆنی شه‌كری لێ ده‌رچوو، ئه‌وه هه‌نگوینی ساخته‌یه.
إرسال تعليق