پاش گەڕانەوەیان لە گەشتەکەدا، باوکەکە پرسیاری لە کوڕەکەی کرد کە گەشتەکەی بەلاوە چۆن بووە..؟!
کوڕەکە: گەشتێکی زۆر نایاب بوو..!
باوکەکە: بینیت هەژارەکان چۆن دەژین..؟!
کوڕەکە: بەڵێ..؟!
باوکەکە: کەواتە پێم بڵێ چی لەو گەشتە فێر بوویت..؟!
کوڕەکە: بینیم ئێمە سەگێکمان هەیە، ئەوان (کە هەژاریشن) چوار سەگیان هەیە..!، ئێمە لە ناوەڕاستی باخچەکەمان گۆمێك ئاومان هەیە، ئەوان چەمێکی بێکۆتاییان هەیە..!، ئێمە چرامان هێناوە دامانناوە بۆ ڕووناککردنەوەی باخچەکەمان، ئەوان ئەستێرەی درەوشاوەیان هەیە لە ئاسمان..!، حەوشەی خانووەکەمان لەلای باخچەی پێشەوە کۆتایی دێت، حەوشەی مەنزڵگاکەی ئەوان بە قەد بەرفراوانی ئاسۆیە..!، ئێمە ڕووبەرێکی بچووکمان هەیە لەسەری دەژین، ڕووبەری ئەوان لەو کێڵگانە تێپەڕ دەکا..!، ئێمە خزمەتکارمان هەن کە هەڵدەستن بە خزمەتکردنمان، ئەوان خۆیان خزمەتی خۆیان دەکەن..!، ئێمە خۆراك و خواردەمەنی لە بازاڕ دەکڕین، ئەوان ئەو خۆراك و خواردەمەنییانە دەخۆن کە دەیچێنن..!، ئێمە دیواری بەرزمان دروستکردووە بۆ ئەوەی بمانپارێزێ، ئەوان هاوڕێ و دۆستیان هەن دەیانپارێزن..!
باوکەکە سەرسام بوو بە کوڕەکەی و بێدەنگبوو..!، لەو وەختەدا کوڕەکە بە باوکی وت: سوپاس باوکە، کە پیشانتدام ئێمە چۆن هەژارین؟!.
إرسال تعليق