هه‌روه‌كو زانستیش ده‌ڵێت: فرمێسكی ئافره‌ت خێراتره له فرمێسكی پیاو، چونكه ژن زووتر فێری گریان بووه به به‌راورد به پیاو، هۆكاری ئه‌وه‌ش ده‌گه‌ڕێته‌وه بۆ ئه‌وه‌ی كه په‌روه‌رده‌كردنی كچ پێویستی به ئه‌ندازه‌یه‌كی گه‌وره‌تر له چاودێریكردن هه‌یه كه ڕه‌نگ بێت له په‌روه‌رده‌كردنی كوڕدا ئه‌و ئه‌ندازه گه‌وره‌یه پێویست نه‌بێت، بۆیه‌شه كه كچ ده‌گریێت، چونكه زیاتر له براكه‌ی سزا ده‌درێت.
هه‌ندێكیش له زانا ده‌روونناسه‌كان گریانی گه‌وران به گه‌ڕانه‌وه بۆ منداڵێتی داده‌نێن.. ئه‌وانه بۆیه ده‌گریێن چونكه پێویستیان به سۆزی ده‌وروبه‌ره‌كه‌یان هه‌یه، ئه‌وان بێجگه له فرمێسك هیچ هۆكارێكی تر نادۆزنه‌وه بۆ كه‌مكردنه‌وه‌ی په‌ستانه ده‌روونییه‌كان، ئه‌وان له تاو خه‌م و ئازار و ته‌نانه‌ت له تاو خۆشییشدا ده‌گریێن.
گریانی ئافره‌تیش كه هه‌ندێك به زیاد له پێویست ده‌یبینن، ناگه‌ڕێته‌وه بۆ سروشتی فیسیۆلۆجی یان ده‌روونی ئافره‌ته‌كه، به‌ڵكو ده‌گه‌ڕێته‌وه بۆ هه‌ندێك هۆكاری زانستی، به‌وه‌ی ژنان زیاتر ده‌گریێن له پیاوان، ئه‌وه‌ش به‌هۆی هۆڕمۆنێكه به‌ناوی "برۆلاكتین"، ئه‌و هۆڕمۆنه‌ش جه‌سته ده‌ریده‌دات وه‌كو په‌رچه‌كردارێك له به‌رامبه‌ر گرژی و خه‌م و هه‌ستكردن به دڵته‌نگی كه یه‌خه‌ی ئافره‌ت ده‌گرن، كه ئه‌وانه‌ش په‌یوه‌ستن به گریانه‌وه، كاتێكیش ڕێژه‌ی ئه‌و هۆڕمۆنه له جه‌سته‌یدا به‌رز ده‌بێته‌وه، ده‌بێته هۆكاری گریان ته‌نانه‌ت بۆ ساده‌ترین هۆكاریش.
گریانیش بۆ ژنان و پیاوان سه‌لامه‌تترین ڕێگایه بۆ باشتركردنی باری ته‌ندروستی و به‌ڵگه نییه له‌سه‌ر لاوازی و پێنه‌گه‌یشتوویی، به‌ڵكو شێوازێكی سروشتییه بۆ لابردنی ماده زیانبه‌خشه‌كان له جه‌سته كه له كاتی دڵه‌ڕاوكێ و دڵته‌نگی و باری ده‌روونی خراپه‌وه ده‌ریانده‌دات، فرمێسكیش یارمه‌تیده‌ر ده‌بێت بۆ ڕزگاربوون له لێیان، مێشكیش هه‌ڵده‌ستێت به ده‌ردانی هه‌ندێك ماده‌ی كیمیایی بۆ فرمێسك كه سووككه‌ری ئازارن.
إرسال تعليق