فەڕەنسییەکان بە سەرکردایەتی “کەریم بنزیمە” و هاوڕێکانی، ڕووبەڕووی “کریستیانۆ ڕۆنالدۆ” و هاوڕێکانی بوونەوە بە ئامانجی بەدەستهێنانی بردنەوە و درێژەدان بە ڕۆیشتن لەسەر ڕێچکەی سەرکەوتن، بە تایبەت کە لە دوا یاری دۆستانەدا سەرکەوتنیان بەسەر هەڵبژاردەی ماتادۆری ئیسپانیا تۆمارکرد بوو.
لە سەرەتاکانی گێمی یەکەمدا کەڵەشێرەکان باشتر و بەهێزتر خۆیان نمایشکرد و توانیان لە خولەکی 3ـدا لە ڕێگەی هێڕشبەری لێهاتوو “کەریم بنزیمە” گۆڵێك تۆمار بکەن، پورتوگالییەکانیش چەند هەوڵێکیاندا بۆ یەکسانکردنەوەی ئەنجامەکە، بەڵام فەڕەنسییەکان گێمی یەکەمیان بەو ئەنجامە 1-0 کۆتایی پێهێنا.
لە گێمی دووەمدا پورتوگالییەکان بەدوای یەکسانکردنەوەی ئەنجامەکەوە بوون و فشاریان خستبووە سەر فەڕەنسییەکان، بەڵام کەڵەشێرەکان لە خولەکی 69ـدا و لە ڕێگەی یاریزانی ئاستبەرز “پۆل پۆگبا” جارێکی دیکە قووقاندیان و ئەنجامەکەیان کردە 2-0، ئەوەش ئەرکی “کریستیانۆ ڕۆنالدۆ” و هاوڕێکانی قوڕستر کرد، بەڵام لە خولەکی 77ـدا و لە ڕێگەی یاریزانی ئاستبەرز “ڕیکاردۆ کواریزما” بە لێدانی پەناڵتی، پورتوگالییەکان گۆڵێکیان تۆمارکرد و جیاوازییەکەیان بۆ گۆڵێك کەمکردەوە، .
یارییەکەش بەو ئەنجامە 2-1 و بە بردنەوەیەکی زۆر گرنگی فەڕەنسییەکان کۆتاییهات، ئەنجامە خراپەکانی هەڵبژاردەی پورتوگالیش درێژەیان هەیە و نەیانتوانی بگەڕێنەوە سەر ڕێچکەی سەرکەوتنەکان.
إرسال تعليق