(عائض القرنی) له په‌یوه‌ندییه‌كییدا له‌گه‌ڵ (العربية) دا ڕوونیكرده‌وه، كه ئاستی فرۆشتنی په‌رتووكی (دڵته‌نگ مه‌به) گه‌یشته (10) ملیۆن دانه به (30) زمانی جیهانی، كه په‌رتووكه‌كه په‌یامێكی هه‌ڵگرتووه بۆ جیهان، به‌وه‌ی كه زۆرترین بارگرانایی له‌سه‌ر مرۆڤ، به‌هۆی دڵته‌نگییه‌وه‌یه.
دانه‌ری په‌رتووكه‌كه ده‌رباره‌ی ئه‌و دانراوه‌ی ده‌ڵێت: جگه له‌وه‌ی په‌رتووكی (دڵته‌نگ مه‌به) وه‌رگێڕدراوه‌ته سه‌ر (30) زمانی جیهانی، له هه‌مانكاتدا ژنه نووسه‌رێكی ئه‌ڵمانی له زانكۆی (به‌رلین) هه‌ڵساوه به پشتبه‌ستن به‌و په‌رتووكه له تێزی دكتۆراكه‌یدا.
ئه‌و هه‌روه‌ها ده‌ڵێت: په‌رتووكه‌كه كه (11) ساڵ له‌مه‌وبه‌ر بڵاوكراوه‌ته‌وه، (300) سه‌رچاوه‌ی ئیسلامی و نائیسلامی كۆده‌كاته‌وه و، له ماوه‌ی سێ ساڵدا نووسیومه و، له‌سه‌ر هه‌موو ئاسته‌كان پێشوازییه‌كی گه‌وره‌ی لێكراوه، ته‌نانه‌ت (سه‌دام حوسێن) ی سه‌رۆكی پێشووتری عێڕاق له یاداشته‌كانییدا باسی ئه‌وه‌یكردووه، كه له به‌ندیخانه‌دا ده‌یخوێنده‌وه.
إرسال تعليق