ئه‌و بابه‌تێكی له ڕۆژنامه‌ی (هاڤینجنتۆن پۆست) ی ئه‌مریكی نووسیوه له ژێر ناونیشانی (7 شت له موحه‌ممه‌دا تووشی سه‌رسوڕمانیت ده‌كه‌ن)، تێیدا ئاماژه‌یكردووه بۆ ئه‌وه‌ی، كه له میانی گه‌ڕان و خوێندنه‌وه‌ی بۆ ژیاننامه‌ی حه‌زره‌تی موحه‌ممه‌د (دخ)، گه‌یشتۆته ئه‌و باوه‌ڕه‌ی كه حه‌زره‌تی موحه‌ممه‌د (دخ) گه‌وره‌ترین پیاوه‌كانی جیهانه له‌وانه‌ی كه زۆرترین كاریگه‌ریان هه‌یه.
 |
| وێنەیەك لە بەرگی پەرتووکەکە |
ئه‌و نووسه‌ره ده‌ڵێت: ژیاننامه‌ی پێغه‌مبه‌ر (دخ) وایلێكردووه، كه هه‌ست بكات به‌وه‌ی، كه هه‌ر ده‌بێت خۆرئاوا گرینگترین ئه‌و ڕاستییه سه‌رسوڕهێنه‌رانه بزانێت بۆ ڕاستكردنه‌وه‌ی وێنه‌ی شێوێندراوی لای خۆیان ده‌رباره‌ی ئیسلام و پێغه‌مبه‌ر موحه‌ممه‌د (دخ).
(لیزلی هازلتۆن) له ده‌ستپێكی ڕوونكردنه‌وه‌ی ئه‌و ڕاستییه سه‌رسوڕهێنه‌رانه‌دا، دانانی په‌رتووكێكی نوێی له‌سه‌ر ژیاننامه‌ی پێغه‌مبه‌ر موحه‌ممه‌د (دخ) له ژێر ناونیشانی (موسڵمانی یه‌كه‌م) ڕاگه‌یاند و، ئاماژه‌یكردووه بۆ ئه‌وه‌ی، كه ئه‌و لیستێكی له‌ناو په‌رتووكه نوێیه‌كه‌ی داناوه بۆ گرینگترین ئه‌و شتانه‌ی كه پێویسته خۆرئاوا ده‌رباره‌ی ژیاننامه‌ی پێغه‌مبه‌ر (دخ) بیانزانێت.
(لیزلی هازلتۆن) له بابه‌ته‌كه‌یدا چه‌ند خاڵێكی ده‌رباره‌ی ژیاننامه‌ی پێغه‌مبه‌ر (دخ) ده‌رخستووه، له گرینگترینیان: پێغه‌مبه‌ر (دخ) به هه‌تیوی گه‌وره بووه و چۆن له‌سه‌ر ده‌ستی مامی په‌روه‌رده كراوه و، چۆن گه‌نجێتی به‌سه‌ربردووه و كاری كردووه و له به‌رهه‌می ده‌ستی خۆی خواردووه، به‌وه‌ی بۆته شوان و سه‌رقاڵی به‌خێوكردنی مه‌ڕوماڵاتی مامه‌كانی بووه، ئینجا خاتوو خه‌دیجه‌ی ماره‌كردووه، ئینجا له ته‌مه‌نی چل ساڵییدا وه‌حی بۆ هاتووه و دواتر به كاری بانگه‌وازی نهێنی بۆ په‌یامی خوا هه‌ڵساوه و پاشان به شێوه‌یه‌كی ئاشكرا ئه‌و په‌یامه‌ی گه‌یاندووه.
شایه‌نی باسه (لیزلی هازلتۆن) له كتێبه‌كه‌یدا "كه له 320 لاپه‌ڕه پێكهاتووه و نرخه‌كه‌شی 27.95 دۆلاره"، باسی له دژایه‌تی و به‌ره‌نگاریبوونه‌وه‌ی پێغه‌مبه‌ر (دخ) كردووه بۆ گه‌نده‌ڵی و لووتبه‌رزی و، بنیاتنانی ژیانێكی كۆمه‌ڵایه‌تی و ئابووری به‌هێز به دادگه‌ری و ڕیفۆرم و، ئه‌و ڕووداوانه‌ی ڕوویانداوه و چۆن پێغه‌مبه‌ر (دخ) به زیره‌كانه و حه‌كیمانه مامه‌ڵه‌ی له‌گه‌ڵ كردوون.
إرسال تعليق