ئه‌و به‌ره‌نجامه زانستییه‌ش، چه‌ندین ده‌لاله‌تی گه‌وره‌ی تێدایه، له سه‌روویانه‌وه، ئاشكراكردنی ئیعجازێكی گه‌وره‌ی پێغه‌مبه‌رمان موحه‌ممه‌د (دخ) دەربارەی ئەو بابەتە.
له فه‌رمووده‌یه‌كییدا ، كه له جابری كوڕی عه‌بدوڵا ڕیوایه‌ت كراوه، پێغه‌مبه‌ر (دخ) ئامۆژگاریمان ده‌كات و ده‌فه‌رمووێت:
"غطوا الإناء ، وأوكوا السقاء ، وأغلقوا الباب ، وأطفئوا السراج . فإن الشيطان لا يحل سقاء ، ولا يفتح بابا ، ولا يكشف إناء، فإن لم يجد أحدكم إلا أن يعرض على إنائه عودا ، ويذكر اسم الله ، فليفعل . فإن الفويسقة تضرم على أهل البيت بيتهم"
له بڕگه‌یه‌كی ئه‌و فه‌رمووده‌یه‌دا، کە هێڵمان بە ژێریدا هێناوە (وأطفئوا السراج)، حه‌زره‌ت (د.خ) فه‌رمانمان پێده‌كات به كوژاندنه‌وه‌ی چراكان له شه‌ودا، وه‌كو دیاره ئەو ئامۆژگارییەی پێغەمبەر (د.خ) چه‌ندین ڕه‌هه‌ند و ده‌لاله‌تی گەورە له‌خۆده‌گرێت، یه‌كێكیش له‌و ده‌لاله‌ت و ڕه‌هه‌ندانه، ئه‌و بابه‌ته‌یه كه قسه‌ی له‌باره‌وه ده‌كه‌ین.
توێژه‌ران باسی ئه‌وه‌یان كردووه، كه جه‌سته‌ی مرۆڤ له تاریكییدا هۆڕمۆنی (میلاتۆنین) ده‌رده‌دات، كه ئه‌و هۆڕمۆنه ڕۆڵێكی پارێزگاریكردنی گرنگ ده‌گێڕێت له هێڕشبردن بۆ ئه‌و نه‌خۆشییه پیسانه‌ی كه مه‌ترسیان بۆ سه‌ر ژیانی مرۆڤ هه‌یه له نموونه‌ی نه‌خۆشییه‌كانی شێرپه‌نجه‌ی مه‌مك و شێرپه‌نجه‌ی پڕۆستات.
توێژینه‌وه‌كان ئاماژه به‌وه ده‌ده‌ن، كه به‌رهه‌مهێنانی هۆڕمۆنی (میلاتۆنین) كه ڕێگری ده‌كات له گه‌شه‌كردنی خانه‌كانی شێرپه‌نجه، له كاتی بوونی ڕووناكییدا له شوێن و ژووری نووستندا، له‌وانه‌یه له‌ناوبچێت.
توێژه‌ران وایده‌بینن، كه ئه‌و كرداره سروشتییه (ده‌ردانی هۆڕمۆنه‌كه) كه خودای گه‌وره دروستیكردووه، یارمه‌تیده‌ره بۆ سوودوه‌رگرتن له شه‌وی تاریك، له پێناو خۆپاراستن له جۆره ده‌ستنیشانكراوه‌كان له نه‌خۆشی شێرپه‌نجه.
هه‌روه‌كو تارمایی شه‌و ده‌ردانی هۆڕمۆنه ده‌ستنیشانكراوه‌كان له جه‌سته چالاك ده‌كات، چونكه ڕووناكیش له ڕۆژدا، كۆئه‌ندامی به‌رگری به‌هێز ده‌كات و جه‌سته له ژماره‌یه‌ك نه‌خۆشی ده‌پارێزێت.
إرسال تعليق