بۆیه له ڕوانگه‌ی ئه‌و هه‌قیقه‌ته قوڕئانییه‌وه، ده‌گه‌ینه به‌ره‌نجامی ئه‌و ڕاستییه‌ی، كه ئاو به نرخترین شتێكه كه مرۆڤه‌كان هه‌یانبێت، كه بوونی ئاو واتای ژیان و ئاوه‌دانی ده‌گه‌یه‌نێت بۆ مرۆڤه‌كان.
شاراوه نییه، كه مادام ئاو تا ئه‌و ڕاده‌یه گرینگ بێت بۆ ژیانی مرۆڤ، كه به‌بێ بوونی ئه‌و، بوونی ئه‌ویش نابێت، ئه‌وه‌یان ده‌مانگه‌یه‌نێته ئه‌و باوه‌ڕه‌ی، كه ڕه‌هه‌ندی شیفا و چاكبوونه‌وه‌ش له‌ناو ئاودا، شتێكی ڕوون و ئاشكرایه و هیچ گومانێك هه‌ڵناگرێت.
له‌وباره‌یه‌وه، له نوێترین توێژینه‌وه‌ی زانستییدا سه‌باره‌ت به چاره‌سه‌ری نه‌خۆشییه‌كان به ئاو، كه كۆمه‌ڵه‌ی یابانی بۆ كاروباری نه‌خۆشییه‌كان هه‌ڵسابوو به ئه‌نجامدانی، گه‌یشتنه به‌ره‌نجامی ده‌ركردنی بڵاوكراوه‌یه‌ك، كه تاقیكردنه‌وه‌كان له‌خۆده‌گرێت، ئه‌وانه‌ی كه پشتده‌به‌ستن به چاره‌سه‌ری به ئاو.
كۆمه‌ڵه یابانییه‌كه له دووتووێی بڵاوكراوه‌كه‌دا، دووپاتی كردۆته‌وه له‌وه‌ی، كه ڕێژه‌ی سه‌ركه‌وتنی چاره‌سه‌ری نه‌خۆشییه‌كان به ئاو، گه‌یشتۆته (100%) بۆ نه‌خۆشییه درێژخایه‌نه‌كان و نه‌خۆشییه ئاساییه‌كانی وه‌كو سه‌رئێشه و فشاری خوێن و كه‌م خوێنی و قه‌ڵه‌وی و كۆكه و میزه‌ڕۆ.
شێوازی چاره‌سه‌ری نه‌خۆشییه‌كان به ئاو پشتده‌به‌ستێت به جێبه‌جێكردنی چه‌ند خاڵێكی گرینگ:
1. زوو هه‌ڵسانه‌وه له خه‌و .
2. خواردنه‌وه‌ی چوار كوپی گه‌وره‌ی ئاو (ده‌بێت گه‌ده به‌تاڵ بێت، واته پێش خواردنی هه‌ر شتێك، هه‌روه‌ها پێش شووشتنی ددان به فڵچه).
3. چاوه‌ڕوانیكردن بۆ ماوه‌ی نزیكه‌ی یه‌ك كاتژمێر پاش ئاو خواردنه‌وه‌كه.
4. پاشان به شێوه‌یه‌كی ئاسایی نانی به‌یانی بخورێت .
5. دوای خواردنی نانی بەیانی، تاوه‌كو كاتی نانی نیوه‌ڕۆ هیچ شتێكی تر نه‌خورێت .
6. دوای خواردنی نانی نیوەڕۆ، تاوه‌كو كاتی نانی ئێواره هیچ شتێكی تر نه‌خورێت .
7. دوای خواردنی نانی ئێوارە، هیچ خواردن و خواردنه‌وه‌یه‌ك نه‌خورێت تاوه‌كو كاتی خه‌وتن.
شایەنی باسە، ئه‌و توێژینه‌وه تازه‌یه ئه‌وه‌ی سه‌لماندووه، كه هه‌ر یه‌كێك ئه‌و خاڵانه‌ی سه‌ره‌وه جێبه‌جێ بكات، له ماوه‌ی (30) ڕۆژدا له نه‌خۆشییه درێژخایه‌نه‌كان چاك ده‌بێته‌وه، بۆ نه‌خۆشییه‌كانی گه‌ده‌ش، له ماوه‌ی (10) ڕۆژدا چاك ده‌بێته‌وه.
إرسال تعليق