یه‌كه‌م پێنووسی سێ ڕه‌هه‌ندی، كه‌ به‌ هه‌وا وێنه‌ ده‌كێشێت

سه‌ره‌ڕای تایبه‌تمه‌ندیی و كوالێتی به‌رزی پرێنته‌ره‌كانی سێ ڕه‌هه‌ندی، به‌ڵام به‌هۆی نرخه‌ گرانه‌كه‌ی كه‌ (2000) دۆلاره‌، له‌ناو خه‌ڵكدا باو نین و كه‌متر به‌كارده‌هێنرێن.
به‌ڵام شتێكی نوێ و داهێنانێكی تازه‌ هاته‌ ئاراوه‌، ئه‌ویش پێنووسێكی سێ ڕه‌هه‌ندی، کە به‌ هه‌وا وێنه‌ ده‌كێشێت و نرخه‌كه‌ی (70) دۆلاره‌.
(3Doodler) تاقه‌ پێنووسه‌، كه‌ بتواندرێت وه‌كو پرێنته‌ری سێ ڕه‌هه‌ندی به‌كاربهێندرێت به‌بێ به‌كارهێنانی كۆمپیۆته‌ر یاخود پڕۆگرام.
به‌كارهێنه‌ر ته‌نها پێویسته‌ پێنووسه‌كه‌ بگه‌یه‌نێته‌ كاره‌با و به‌نی پلاستیكی له‌سه‌ر دابنێت (ئه‌و پلاستیكه‌ی له‌ پرێنته‌ره‌ سێ ڕه‌هه‌ندییه‌كان به‌كارده‌هێنرێن)، ئینجا ده‌ستبكات به‌ وێنه‌كێشان.