ئایینی یەهودییەتیش بەوە ناسراوە کە حاخامەکان لە ڕووی شێوەدا جیاوازن لەگەڵ کەسە ئاساییەکان، چ لە ڕووی جلوبەرگەوە بێت، یان لە هێشتنەوەی ڕیش بێت، یان لە داپۆشینی سەر بێت کە هەر یەکێك بە گوێرەی پلە ئایینیەکەی دایدەیپۆشێت.
کەسە ئاساییەکان لە ئایینی یەهودییەت سوورن لەسەر دانانی شەپقەیەکی بچووك لەسەر سەریان، کە بە زۆری پیاوەکانیان ئەوە دەکەن!.
هۆکارەکەشی ئایینیە، چونکە لە "تلمود" ەوە هاتووە: " سەری خۆت دابپۆشە، بۆ ئەوەی تووڕەیی خودا لەسەر سەرتەوە نەبێت"، کە بەجێهێنانی ئەو نیشانە ئایینیە واجبە لەسەریان لە نوێژدا، بەڵام لە کاتەکانی تردا ئازادن.
سەبارەت بە بوونی جیاوازی لە ڕەنگی شەپقەکەش لەلای یەهوودەکان، ئەوەیان تەنها بۆ جیاکردنەوەی مەزهەب و تەیارەکانە، بۆ نموونە: ڕەنگی سپی بۆ پارێزگارەکانە، کە بەودواییانە ڕیمۆرمخوازەکانیش ئەو ڕەنگە دەپۆشن، بەڵام ڕەنگی ڕەش تایبەتە بە توندڕەوترینەکانیان و قوتابییە ئایینیەکانیان.
إرسال تعليق