ئەو قەلەڕەشە چ دەکا لەسەر سەری ئەو مامزە؟!

مامزەکە توڕە نییە لە وەستانی قەلەڕەشەکە لەسەر سەری، بەڵکو لەوپەڕی بەختەوەریدایە، تەنانەت خۆی بە قەرزدار دەبینێت لە ئاستییدا و، ئەو وەستانەی قەلەڕەشەکە بە شایستەی ستایشکردن دەزانێت!!.

دەزانن هۆکارەکەشی چییە؟، قەلەڕەشەکە هەڵساوە بە پاککردنەوەی سەری مامزەکە لە هەندێك کڕێژ، کە بووەتە هۆی خورانێکی بێزارکەر بۆ سەری، خۆیشی لە توانایدا نییە سەری بخورێنێت!!.

گەورەیی بۆ خودای پەروەردگار، کە ئیلهامبەخشی قەلەڕەشەکە بووە بۆ ئەو کارە!.

خودایە تۆ شایەنی هەموو گەورەییەکیت، گەورەیی هەر شایەن بە تۆیە، وەلێ ئەفسوس، هەندێك بچووك، بە خۆبەگەورەزانین، دەیانەوێت شکۆیەکی سەڕابییانە بۆ خۆیان دابتاشن، بەڵام پەروەردگارم، هەموو گەورە قەڵبەکان لە ئاست بچووکترین دەستکردی تۆدا، لە بۆتەی سەرشۆڕییەکی ئابڕووبەرانە دەتووێنەوە!.