بەڵام ئەوەی باسمانکرد زۆر زیانبەخشن بۆ ژنانی حەیزدار، دەبێ هۆکاری ئەوە چی بێت؟!، ئەی حیکمەت لەوەدا چییە کە شەریعەتی ئیسلام پێویستی کردووە لەسەر ژنانی سکپڕ، کە دەبێت نوێژەکانیان ئەنجام بدەن، لە کاتێكدا ژنانی حەیزدار لە ئەنجامدانی نوێژەکانیان بەخشراون؟!.
با پێکەوە لە سایتی "قەڵەم پرێس" ئەو زانیارییە گرنگە بزانین و لە گەورەیی کارەکانی خودای پەروەردگار تێبگەین.
توێژەران دەڵێن: کاتێك ئافرەتی نوێژخوێن دەچێتە ڕکوع و سوجدە، ڕۆیشتنی خوێن بۆ منداڵدان زیاد دەبێت، گومانیش لەوەدا نییە کە منداڵدانی ئافرەتی سکپڕ پێویستییەکی زۆری بە خوێن هەیە بۆ مەبەستی دابینکردنی خۆراکی کۆرپەلە و پاککردنەوەی خوێنی پیسی ناو منداڵدانەکە، بۆیە کاتێك ئافرەتی سکپڕ هەڵدەستێت بە ئەنجامدانی نوێژ، نوێژکردنەکەی دەبێتە یارمەتیدەر بۆ گەیاندنی بڕێکی زۆر لە خوێن بۆ کۆرپەلەکە!.
سەبارەت بە ئافرەتی حەیزدار، ئەگەر هەڵبستێت بە ئەنجامدانی نوێژ، نوێژکردنەکەی دەبێتە هۆکاری ڕۆیشتنی خوێن بە خێرایی و بە ڕێژەیەکی زۆر بۆ ناو منداڵدان، کە ئەوەش سەردەکێشێت بۆ لەدەستدانی خوێنەکە و هاتنە خوارەوەی بۆ ناو خوێنی حەیز، توێژەران دەڵێن: قەبارەی خوێن و شلە لەناوچووەکانی جەستەی ئافرەتی حەیزدار لە ڕۆژانی حەیزەکەیدا، بریتییە لە (34) میلی لیتر، بۆیە ئەگەر ئافرەتی حەیزدار هەڵبستێت بە ئەنجامدانی نوێژ، نوێژکردنەکەی دەبێتە هۆکار بۆ لەناوچوونی کۆئەندامی بەرگری لەش لە جەستەیدا، چونکە خڕۆکە سپییەکانی خوێن لەناودەچن کە هەڵدەستن بە ڕۆڵێکی گرنگ لە بەرگری جەستەدا، لەناوچوونی خڕۆکە سپییەکانی خوێنیش بە ڕێگەی خوێنی حەیزەوەیە کە لە جەستەدا نەماوە!، تەنانەت پزیشکەکانیش ئامۆژگاری ئافرەتانی حەیزدار دەکەن، کە لە ماوەی ڕۆژانی حەیزدا پشوو بدەن و وەرزش نەکەن و ژەمە خواردنی باش بخۆن بۆ ئەوەی خوێنی جەستەیان بە فیڕۆ نەڕوات!.
سبحان الله.. خودای گەورە بەبێ حیکمەت ئافرەتانی حەیزداری لە نوێژکردن نەبەخشیووە!.
إرسال تعليق