نەقیبی سەندیکای پزیشکان هەڵسا بە پێشکەشکردنی ئامۆژگاری بۆ پزیشکە تازەکان، لە میانیشیدا ئەو بەسەرهاتەی بۆ گێرانەوە:
لە نیوەشەوێکدا، کە ڕەشەبا و زریانێکی بەهێز هەڵیکردبوو، پیرەژنێك لە دەرگای ماڵەوەمانی دا و پێیوتم: دکتۆر، کوڕەکەم زۆر نەخۆشە، باری تەندروستی زۆر ترسناکە، تکات لێدەکەم شتێکی بۆ بکە و ڕزگاری بکە.. منیش گوێم نەدایە سەرما و بارانی توند و زریان و ڕەشەبا بەهێزەکە، ماڵی پیرەژنەکەش لە دەوروبەری لەندەن بوو، دوای ماندووبوونێکی زۆر بە ئەستەم گەیشتینە ماڵیان، بینیم لە ژوورێکی بچووك دەژین و منداڵەکەش لە گۆشەیەکی ژوورەکەدا ناڵەی دێ و ئازارێکی توندی هەیە.
پاش ئەوەی ئەرکەکانی خۆم بەرامبەر منداڵەکە بەجێهێنا، پیرەژنەکە کیسێکی بچووکی دامێ کە هەندێك پارەی تێدا بوو، من ڕەتمکردەوە وەریبگرم و بە لەسەرخۆیی کیسەکەم دایەوە دەستی و داوای لێبوردنم لێکرد لە وەرنەگرتنی پاداشتی کارەکەم، ئیدی بەردەوام سەردانی منداڵەکەم دەکرد تاوەکو بە تەواوەتی چاکبووەوە.
نەقیبی سەندیکای پزیشکان درێژەیدا بە پێشکەشکردنی ئامۆژگارییەکان و دەیوت: ئەوەیە پیشەی پزیشك و پزیشکایەتی، کە نزیکترین پیشەیە لە میهرەبانی، بەڵکو نزیکترینیانە لە خودای گەورە.
هێشتا نەقیبی سەندیکای پزیشکان قسەکانی تەواو نەکردبوو، لەناکاو سەرەکوەزیران بازیدا بەسەر کورسییەکەی و چووە سەر سەکۆی وتاردانەکە وتی: ڕێگەم بدە گەورەم نەقیبی سەندیکای پزیشکان کە دەستت ماچ بکەم!، لەوەتەی بیست ساڵە من بەدوای تۆدا دەگەڕێم!، من ئەو منداڵەم کە ئێستا لە قسەکاندا باست کرد، با ئێستا دایکم ئاسوودە و دڵخۆش بێ، چونکە تاکە وەسیەتی ئەوە بوو بتدۆزمەوە و پاداشتی ئەو چاکەیەت بدەمەوە کە لە کاتی هەژاریماندا لەگەڵ ئێمەت کرد!.
إرسال تعليق