دوای زیادبوونی دەنگۆکانی ڕەتکردنەوەی "کریستیانۆ ڕۆناڵدۆ" بۆ تازەکردنەوەی گرێبەستەکەی لەگەڵ یانەی شاهانە، ڕۆژی (15/9/2013) ڕێوڕەسمی تازەکردنەوەی گرێبەستی "کریستیانۆ ڕۆناڵدۆ" لەگەڵ یانەی ڕیال مەدرید بەڕێوەچوو.
بە گوێرەی گرێبەستە تازەکە، "کریستیانۆ ڕۆناڵدۆ" بۆ ماوەی پێنج وەرزی تر لەگەڵ یانەکەی دەمێنێتەوە، لە بەرامبەریشدا "کریستیانۆ ڕۆناڵدۆ" ساڵانە بڕی (17) ملیۆن یۆرۆ وەردەگرێت، ئەوەش مووچەیەکی پێوانەییە کە یاریزانێکی تۆپی پێ لەسەر ئاستی جیهان وەریبگرێت.
شایەنی باسە دوای واژۆکردنی گرێبەست لەگەڵ "گاریس بەیڵ"، یانەی شاهانە هەموو هەوڵەکانی چڕ کردبۆوە بۆ تازەکردنەوەی گرێبەستی "کریستیانۆ ڕۆناڵدۆ"، کە سەرەنجام سەرکەوتوو بوو لە ڕازیکردنی ناوبراو و هێشتنەوەی لەناو قەڵای سپی.
دوای واژۆکردنی گرێبەستە تازەکەی، "کریستیانۆ ڕۆناڵدۆ" ڕایگەیاند: ئاوەتەخوازم لەناو یانەی شاهانەدا کۆتایی بە ژیانی وەرزشی خۆم بهێنم.
إرسال تعليق