باراك ئۆباما و بۆیاغکردنەوەی کۆشکی سپی

باراك ئۆباما ویستی باڵاخانەی کۆشکی سپی بۆیاغ بکاتەوە، بۆیە بانگهێشتی سێ بەڵێندەری کرد لە وڵاتە جیاوازەکان، بەڵێندەرێکی چینی، یەکێکی ئەڵمانی، ئەوەکەی دیکەشیان (..........)!.

بەڵێندەرە چینییەکە داوای 3 ملیۆن دۆلاری کرد، ئەو وتی: ملیۆنێك بۆ بۆیاغەکە، ملیۆنێكیش بۆ کرێکارەکان، ملیۆنەکەی تریش بۆ خۆم.

بەڵێندەرە ئەڵمانییەکە داوای 7 ملیۆن دۆلاری کرد، ئەو وتی: سێ ملیۆن بۆ بۆیاغەکە، دوو ملیۆنیش بۆ کرێکارەکان، دوو ملیۆنەکەی تریش بۆ خۆم.

بەڵێندەرەکەی سێیەمیش ئۆبامای بردە گۆشەیەك و قسەیەکی چرپاندە گوێچکەی و داوای 10 ملیۆن دۆلاری کرد، ئەو وتی: سێ ملیۆن بۆ تۆ، چوار ملیۆنیش بۆ من، سێ ملیۆنەکەی تریش بۆ کرێکارەکان.

پرسیارەکە ئەوەیە: بەڵێندەری سێیەم خەڵکی چ وڵاتێکە، دەی بزانم کێ وەڵامی ڕاستی لەلایە؟!.

تێبینی/ ئەو بابەتە بۆ خۆشییە و دڵنیانین لەوەی کە لە واقیعدا شتێکی لەو شێوەیە هەبێت.