ئەو پیاوە یەکێکە لە تاوانبارە ئەمریکییەکان، کە لە حوکمی دادگا ڕایکردووە و تەنها یەك مەتر لە ڕزگاربوون جیای دەکاتەوە، بەڵام ناتوانێت دەربازی بببێت، چونکە لەلایەن دوو ئەفسەری پۆلیسەوە دەستبەسەر دەکرێت و، هەردوو قاچی (کە دەکەونە سنووری ئەمریکا) لە دەستی هەردوو ئەفسەرەکەدایە و ڕادەکێشرێتەوە بۆ ناو خاکی ئەمریکا بۆ ئەوەی ڕادەستی دادگا بکرێت، لە کاتێکدا بەشەکەی تری جەستەکەی لە دەستی پیاوانی سنووری وڵاتی مەکسیك دایە و هەوڵدەدرێت ڕزگار بکرێت!!.
ئەو وێنەیە کە لەلایەن هونەرمەند (لویس ماردن) ەوە لە ساڵی (1939) گیراوە، ئەوەمان بۆ ئاشکرا دەکات، کە تەنها یەك مەتر سنووری نێوان هەردوو وڵاتی ئەمریکا و مەکسیك لە یەکتری جیا دەکاتەوە!!.
بەڵێ بەڕێزان، ئەوان لە سییەکانی سەدەی ڕابردووەوە، بەڵکو زۆر زووتریش، کێشەی سنووریان نەبووە، بەڵام دەزانین وڵاتانی خۆرهەڵاتی چۆن لەسەر کێشەی سنوور خاکی خۆیان خوێنین کردووە!، ئەزموونی هەرێمەکەشمان وێنەیەکی تاڵی ناسۆراوی لەسەر باسی سنوور لە یادەوەرییەکانماندا جێهێشتووە، بەو هیوای وێنە هەستهەژێنەکان جارێکی تر ڕاماننەچڵەکێننەوە.
إرسال تعليق