هەر چەند لە سەرەتاوە تام لەو گوناهـ و تاوانە دەکات، بەڵام چێژەکەی هەمیشەیی نییە، بەڵکو لە کورتترین ماوەدا تامەکەی بەسەر دەچێت، تەنانەت زۆر بە خێرایی تێدەپەڕێت و سەرەنجامی ناخۆش لە دوای خۆی جێدەهێڵێت، گوناهبار وێڕای ئەوەش حەسرەتبار و خەفەتبار دادەمێنێت و چاوەڕێی ئەو بەرهەمانە دەکات کە لە ئەنجامی جورئەتکردن بۆ ئەنجامدانی گوناهەکە دەستیدەکەوێت و وەیشوومە و .
هەندێک لە بەرهەمەکانی گوناهـ و تاوان:
- کەمبوونەوەی دەرفەتی بەدەستهێنانی سەرکەوتن لە ڕووە جۆربەجۆرەکانی ژیاندا.
- بۆچوونی خراپ و تێڕوانینی ناتەندروست.
- تیکچوونی شیرازەی دڵ، هەروەها تووشبوون بە دڵڕەقی و دڵتەنگی و نەخۆشییەکانی دڵ.
- شاراوەبوون و نەبینینی هەق.
- دوژمنایەتی و ڕق و کینەی خەڵک.
- هەستکردن بە نامۆیی لە پەیوەندی لەگەڵ خوای گەورە.
- وەڵامنەدرانەوەی دوعا.
- نەمانی بەرەکەت لە تەمەن و ڕزق و ڕۆزی.
- بێبەشبوون لە زانست و زانیاری.
- تووشبوون بە داماوی و زەلیلی.
- زاڵبوونی دوژمنان و ناحەزان بەسەریدا.
- دڵتەنگبوون و ناڕەحەتبوون و گرفتاربوون.
- ڕەچەلەک و نەوەیەکی خراپ لە دوای خۆی جێدەهێڵێت.
- تووشبوون بە دۆستایەتی هاوڕێی خراپ.
- درێژەکێشانی خەم و خەفەت.
- ئەستەمبوونی گوزەران و بژێوی ژیان.
- بێباکی لە ژیان و داهاتوو.
- لاوازی جەستەیی.
- تووشبوون بە نەخۆشییە دەروونی و ئەندامییەکان.
- دوورکەوتنەوە لە گوێگرتن لە قوڕئانی پیرۆز و ئولفەتگرتن بە گوێگرتن لە گۆرانی و مۆسیقا.
- بێئاگایی لە زیکر و یادی خوای گەورە.
- کۆتاییەکی خراپی تەمەن.
- نەمانی نیعمەتەکانی خوای گەورە.
- لەدەستدانی عەقڵ و تەسلیم بوون بە ئارەزووە فریوودرەکان.
- کەوتنی شکۆ و کەسایەتی و کەڕامەت لەناو خەڵک.
- بێشەرمی و بێحەیایی.
- نەمانی بەرچاوڕوونی و چاوڕۆشنی.
- نەمانی ئازایەتی و غیرەت.
- ڕیسوابوون و سەرکزبوون.
- دوورخستنەوەی بەندەکان لەو فریشتەی ڕاسپێردراوە ئامۆژگاری بکات و، نزیککردنەوەی لە شەیتان کە لە خشتەی دەبات.
ئەوەی باسمانکردن بەشێکی کەمن لە سەرەنجام و بەرهەمەکانی گوناهـ، کە ئیمام ئیبن ئەلقەییم (خوا لێی ڕازی بێت) لە کتێبەکەی خۆی (دەرد و دەرمان) باسیکردوون، ئەگەر ئەوانەش لە کەسێکدا کۆبوونەوە، تووشی هیلاکی دەکەن و لەناوی دەبەن (خوای گەورە پەنامان بدات).
إرسال تعليق