ئەوەی لە خوارەوەش باسیان دەکەین، تەنیا چەند سوودێکی کەمی داواکردنی لێخۆشبوون "إستغفار"ـن، بەو هیوایەی بۆتان ببێتە سەرەتایەکی گرنگ بۆ بەدەستهێنانی ڕەزامەندی خوای پەروەردگار و بردنەوەی بلیتی خۆشبەختی دین و دونیا.
یەکەم/ دەبێتە هۆی ڕەشبوونەوەی گوناهـ و پاکبوونەوەی دەفتەری کردەوەکان، خوای گەورە لەسەر زاری پێغەمبەر نوح (سڵاوی خوای لەسەربێت) دەگێڕێتەوە: "فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا"، واتا: "بە نەتەوەکەی خۆم وت: داوای لێخۆشبوون لە خوا بکەن، چونکە ئەو لێبووردەیە و لێتان خۆشدەبێت".
دووەم/ هۆکارە بۆ بارانبارین، ئەوەتا خوای گەورە لەسەر زاری پێغەمبەر نوح (سڵاوی خوای لەسەربێت) دەفەرمووێت: "يُرْسِلْ السَّمَاءَ عَلَيْكُمْ مِدْرَارًا"، واتا: "ئەی نەتەوەی خۆم، خوای گەورە بارانتان به لێزمه و خوڕه‌م بۆ ده‌بارێنێت".
سێیەم/ هۆکارە بۆ زیادبوونی سەروەت و سامان، ئەوەتا خوای گەورە لەسەر زاری پێغەمبەر نوح (سڵاوی خوای لەسەربێت) دەفەرمووێت: "وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا "، واتا: "ئەی نەتەوەی خۆم، خوای گەورە ماڵ و سامان و نه‌وه‌تان پێ ده‌به‌خشێت، هاوڕێ له‌گه‌ڵ باخ و باخاتدا، ڕوبار و چه‌م و جۆگه‌تان بۆ به‌دیده‌هێنێت".
چوارەم/ هۆکارە بۆ بوژانەوە و گەشانەوە و سەرکەوتن، ئەوەتا خوای گەورە لەسەر زاری پێغەمبەر نوح (سڵاوی خوای لەسەربێت) لە هەمان ئایەتی سەرەوە دەفەرمووێت: "وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا"، واتا: "ئەی نەتەوەی خۆم، خوای گەورە ماڵ و سامان و نه‌وه‌تان پێ ده‌به‌خشێت، هاوڕێ له‌گه‌ڵ باخ و باخاتدا، ڕوبار و چه‌م و جۆگه‌تان بۆ به‌دیده‌هێنێت"، ئەوەش نیشانەیە بۆ بوژانەوە و گەشانەوەی بەروبووم و داهات و، سەرکەوتن و پێشکەوتن دەگەیەنێت.
پێنجەم/ هۆکارە بۆ زیادبوونی هێز و وزە و تواناکان، ئەوەتا خوای گەورە لەسەر زاری پێغەمبەر هود (سڵاوی خوای لەسەربێت) دەفەرمووێت: "وَيَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَارًا وَيَزِدْكُمْ قُوَّةً إِلَىٰ قُوَّتِكُمْ وَلَا تَتَوَلَّوْا مُجْرِمِينَ"، واتا: "ئه‌ی خزمه‌کانم، داوای لێخۆشبوون له په‌روه‌ردگارتان بکه‌ن، پاشان بگه‌رێنه‌وه بۆ لای ئه‌و، ئه‌وه له ئاسمانه‌وه بارانی زۆری پر به‌ره‌که‌تتان بۆ ده‌بارێنێت، هێز و ده‌سه‌ڵاتتان بۆ زیاد ده‌کات، زیاد له هێز و ده‌سه‌ڵاتی ئاسایی خۆتان، ڕوو وه‌رمه‌گێرن له‌م باس و ئامۆژگاریانه، له‌کاتێکدا که ئێوە هه‌میشه تاوانبارن"، هەروەکو ئەو ڕێنووماییە هێزی ناوەوەی مرۆڤیش دەگرێتەوە لە حەسانەوە و ئاسوودەیی و ئارامی و ویژدانی خاڵی گوناهـ و تاوان.
شەشەم/ هۆکارە بۆ ژیانێکی خۆش، ئەوەتا خوای گەورە لەسەر زاری پێغەمبەر هود (سڵاوی خوای لەسەربێت) دەفەرمووێت: "وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعًا حَسَنًا إِلَىٰ أَجَلٍ مُسَمًّى وَيُؤْتِ كُلَّ ذِي فَضْلٍ فَضْلَهُ ۖ وَإِنْ تَوَلَّوْا فَإِنِّي أَخَافُ عَلَيْكُمْ عَذَابَ يَوْمٍ كَبِيرٍ"، واتا: "(خه‌ڵکینه)!، داوای لێخۆشبوون له په‌روه‌ردگارتان بکه‌ن، له‌مه‌ودوا بگه‌ڕێنه‌وه بۆ لای، ئه‌وکاته به چاکی ده‌تانژیێنێت به‌ژیانێکی چاک، تا کاتێکی دیاریکراو، هه‌روه‌ها پاداشتی هه‌موو خاوه‌ن چاکه‌یه‌ک به‌زیاده‌وه ده‌داته‌وه، خۆ ئه‌گه‌ر (ئێوه) پشت هه‌ڵکه‌ن و گوێڕایه‌ڵی فه‌رمانی خوا نه‌بن، ئه‌وه به‌ڕاستی من ده‌ترسم که سزای ڕۆژێکی گه‌وره و سه‌خت یه‌خه‌تان پێ بگرێت (که ڕۆژی قیامه‌ته، یان ئه‌و ڕۆژه‌ی خوای گه‌وره له ناوتان ده‌بات)".
حەوتەم/ هۆکارە بۆ کەمکردنەوەی سەختی و ناخۆشییەکان، ئەوەتا خوای گەورە دەفەرمووێت: "وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ ۚ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ"، واتا: بێگومان خوای گه‌وره (به‌قسه‌ی ئه‌وان ناکات) به‌ڵا و سزا نادات به‌سه‌ریاندا، له‌کاتێکدا تۆ له‌ناویاندا بیت (به ئومێدی ئه‌وه‌ی که هه‌ندێکیان باوه‌ڕ بهێنن)، هه‌روه‌ها خوایش سزاده‌ر نیه له‌کاتێکدا ئه‌وان داوای لێخۆشبوون بکه‌ن".
هەشتەم/ هۆکارە بۆ میهرەبانی و بەخشندەیی، ئەوەتا خوای گەورە لەسەر زاری پێغەمبەر ساڵح (سڵاوی خوای لەسەربێت) دەفەرمووێت: "قَالَ يَا قَوْمِ لِمَ تَسْتَعْجِلُونَ بِالسَّيِّئَةِ قَبْلَ الْحَسَنَةِ ۖ لَوْلَا تَسْتَغْفِرُونَ اللَّهَ لَعَلَّكُمْ تُرْحَمُونَ"، واتا: ئه‌ی نەتەوە و کەسوکارم، بۆچی ئێوه په‌له‌ی خراپه‌تانه پێش چاکه و، حه‌ز ده‌که‌ن به‌ڵا و ناخۆشیتان به‌سه‌ر بێت؟!، ئه‌ی بۆچی داوای لێخۆشبوون له خوا ناکه‌ن بۆ ئه‌وه‌ی ڕه‌حمتان پێبکرێت (خوای گه‌وره ده‌رووی زیاترتان لێ بکاته‌وه)؟!".
نۆیەم/ هۆکارە بۆ لێخۆشبوونی گوناهـ و تاوانەکانمان، ئەوەتا ئەبو داود (خوا لێی ڕازی بێت) لەسەر زاری پێغەمبەر (دروودی خوای لەسەربێت) دەگێڕێتەوە: خوای گەورە بە بەندەکانی دەڵێت: "ئەی بنیادەم، ئەگەر گوناهەکانت هێندە زۆر بن بگەنە پەڵە هەورەکانی ئاسمان و داوای لێخۆشبوونم لێبکەی، من لێت خۆش دەبم و دەتبوورم".
دەیەم/ هۆکارە بۆ ڕەوینەوەی ترس و نیگەرانی و دڵەڕاوکێیەکان، ئەوەتا ئەبو داود (خوا لێی ڕازی بێت) لەسەر زاری پێغەمبەر (دروودی خوای لەسەربێت) دەگێڕێتەوە: "هەر کەسێک بەردەوام داوای لێخۆشبوون لە خوای کردگار بکات، خوای گەورە ترس و نیگەرانی و دڵەڕاوکێیەکانی دەڕەوێنێتەوە و، بۆ هەموو سەختی و ناخۆشییەک دەرچەیەکی بۆ دەدۆزێتەوە".
هیوادارین و خوازیارین کە هەموو موسڵمانێک سوود لەو بابەتە وەربگرێت و دوعای پاداشت و خێر و چاکە بۆ ئامادەکار و نووسەری ئەو نووسینە بکات، خوای گەورە هەموو موسڵمانێکی سەرڕاست و ڕاستگۆ پایەداری دین و دونیا بکات.
إرسال تعليق