لە پشت مێزەکە ئافرەتێکی سفور (بە ئەسڵ عەڕەب) لەسەر کورسی دانیشتووە و بە گاڵتەوە تەماشای ژنە باڵاپۆشەکە دەکا..!، ئینجا کەلوپەلەکان دەژمێرێ و دەیاندا بەسەر مێزەکەدا..!، بەڵام ژنە باڵاپۆشەکە زۆر لەسەرەخۆ ڕەفتار دەکا و خۆی ناڕەحەت ناکا، ئەوەش وادەکا ئافرەتە سفورە بە ئەسڵ عەڕەبەکە زیاتر توڕە بێت و ئارامی نەمێنێ و بە گاڵتەوە پێی بڵێ: ئێمە لە فەڕەنسا چەندین کێشە و قەیرانمان هەیە، ئەو حیجاب و لەچکەی تۆش یەکێکە لە کێشەکان..!، ئێمە بۆ بازرگانی لێرەین نەوەکو بۆ پیشاندانی دین و مێژوو، ئەگەر تۆ دەتەوێ مومارەسەی دین بکەی یان حیجاب بپۆشی، بڕۆوە بۆ نیشتیمانەکەت و لەوێ چۆنت حەز لێیە مومارەسەی دین بکە!.
ژنە باڵاپۆشەکە لە دانانی کەلوپەلەکان لەناو جانتاکەی وەستا و تەماشایەکی کرد..!، ئینجا لەچکەکەی لادا و دەموچاوی خۆی ئاشکرا کرد، کە قژکاڵ و چاوشین بوو!!.. بە بوێریشەوە بە ئافرەتە سفورەکەی وت: من لە باب و باپیرەوە فەڕەنسیم.. ئەوە ئیسلامەکەمە و ئەوەش نیشتیمانەکەمە.. ئەوە ئێوە دینەکەی خۆتان فرۆشتووە و ئێمەش کڕیومانە.. ئێمە خاوەن نیشتیمانین، ئێوەش بێگانەن..!.
إرسال تعليق