توێژەرەکان لە توێژینەوەیەکەیاندا، هەڵساون بە شیکردنەوەی پێکهاتەی جینی بڵاوبووەوەی کڕۆمۆسۆمی "X"، کە یەکێکە لەو دوو کڕمۆسۆمەی کە بەرپرسن لە ڕەگەزی کەسەکە، توێژینەوەکەش لەسەر (25) هەزار کەس لە دانیشتووانی باکوری ئەوروپا ئەنجامدراوە.
توێژینەوەکە ڕوونیکردووەتەوە، کە پێکهاتەی جینی نزیك لە "ITM2A" کە ڕۆڵی هەیە لە گەشەکردنی کڕکڕاگە، لە جەستەی ئەو کەسانەدا بڵاوبووەتەوە کە باڵایان کەمترە لە ئاستی مامناوەند، ئەوەش بۆ توێژەرەکان دەرکەوت، کە ئەو پێکهاتەیە کاریگەری گەورەتری هەیە لەسەر باڵای ژنان، چونکە پێکهاتەکە لە جەستەی ژنان هەردوو کڕۆمۆسۆمی "X" هەڵدەگرێت، بە پێچەوانەی پیاوان کە یەك دانە لە دوو کڕۆمۆسۆمەکە هەڵدەگرێت.
إرسال تعليق