ئەگەر ئایین نەبوایە، ژیان بەردەوامی نەدەبوو

زانایان لە زانکۆی کۆلۆمبیای بەڕیتانی “University of British Columbia”، لە درێژەی زنجیرە توێژینەوە زانستییەکانیاندا، دووپات لەوە دەکەنەوە، ئەگەر ئایین نەبوایە، ژیان بەردەوامی نەدەبوو، چونکە ئایین بۆ هەمیشەش پێویستە بۆ مانەوەی مرۆڤ لە چوارچێوەی کۆمەڵگا ڕێکخراوەکاندا، ئەو ئەنجامەشیان ئەو کاتە بۆ دەرکەوت، کاتێک چاودێری بارودۆخی کۆمەڵێک لە بێدینەکان و کۆمەڵێکی دیکە لە ئیماندارانیان کرد.

تێیدا بۆیان ڕوون بوویەوە، کە باوەڕبوون بە خوای گەورە، کە دروستکەری گەردوونە، یارمەتیدەرە بۆ مرۆڤ تا لە ژیانێکی کۆمەڵایەتی باشتردا بژیت.

توێژینەوەیەکانی پێشووش دووپاتیان لەوە کردبووەوە، کە ئیمان "باوەڕهێنان" بە خوای تەعالا، یارمەتیدەر دەبێت بۆ چاکبوونەوە لە چەندین نەخۆشی درێژخایەن، هەروەها یارمەتیدەرە بۆ چارەسەرکردنی حاڵەتەکانی خەمۆکی و بێهیوایی و نائومێدبوون.

شایەنی باسە، خوای گەورە لە قوڕئانی پیرۆزدا باسی ئەو دەرکەوتە زانستییەی کردووە، کاتێک لە ئایەتی ٩٧ لە سوڕەتی "النحل"ـدا دەفەرمووێت:

((مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ))

واتای ئەو ئایەتە: ئه‌وه‌ی کار و کرده‌وه‌ی چاکه‌ی کردبێت، پیاو بێت یان ئافره‌ت، له کاتێکدا بڕوادار بێت، سوێند به خوا به‌ ژیانێکی کامه‌ران و ئاسووده له دنیادا ده‌یژیێنین، له قیامه‌تیشدا پاداشتیان به‌جوانتر ده‌ده‌ینه‌وه له‌وه‌ی که ئه‌وان ده‌یانکرد.