یارییەکە لەسەر یاریگای “فیسینتی کالدیرۆن”ـی تایبەت بە یانەی ئەتلەتیکۆ مەدرید بەڕێوەچوو، یانەی شاهانە بێبەش بوو لە تواناکانی گرنگترین یاریزانەکانی وەکو "لۆکا مۆدریچ" و "جەیمس ڕۆدریگز" و "سێرجیۆ ڕامۆس" و "کلیپەر پیپێ" و "مارسیلۆ"، ئەوەش دەرفەتێکی گەورە بوو بۆ ئەتلەتیکۆ بۆ بردنەوەی یارییەکە.
لە گێمی یەکەمی یارییەکەش، یانەی ئەتلەتیکۆ مەدرید توانی بە دوو گۆڵی هەریەک لە یاریزانان "تیاگۆ" لە خولەکی ١٤ و یاریزانان "سائۆل" لە خولەکی ١٨ پێش بکەوێت، ئەو گێمەش بە ئەنجامی ٢-٠ کۆتاییهات.
لە گێمی دووەمی یارییەکەدا، ئاستی یاریزانانی ڕیال مەدرید وەکو پێویست نەبوو، بە پێچەوانەی یاریزانانی ئەتلەتیکۆ مەدرید کە بە باشتر و بەهێزتر دەرکەوتن، ئەوبوو لە خولەکی ٦٧ـی یارییەکەدا یاریزانی فەڕەنسی “گریزمان” گۆڵی سێیەمی ئەتلەتیکۆ مەدریدی تۆمار کرد، سەرەڕای هەوڵی زۆر بۆ کەمکردنەوەی جیاوازی گۆڵ لە یارییەکە، بەڵام یاریزانانی یانای شاهانە نەیانتوانی بە ئەنجامەکە ڕابگەنەوە و ئەرکی گرانی خۆیان کەمێك سووك بکات، بەڵکو یاریزانی سڕبی یانەی ئەتلەتیکۆ “ماندزۆکیتش” گۆڵی چوارەمی بۆ یانەکەی تۆمار کرد و، یارییەکەش بە ئەنجامی ٤-٠ بە بردنەوەی ئەتلەتیکۆ مەدرید کۆتاییهات.
بەو دۆڕانەش، یانەی ڕیال مەدرید خاڵەکانی لە خشتەی ڕیزبەندی خولی تۆپی پێی ئیسپانیا “لالیگا” وەکو خۆی ٥٤ خاڵ لە پێشەنگدا مایەوە، یانەی ئەتلەتیکۆ مەدریدیش کۆی خاڵەکانی گەیاندە ٥٠ خاڵ لە پلەی سێیەمی خشتەی ڕیزبەندی.
إرسال تعليق