 |
| "هاری کین" ئەستێرەی یارییەکە |
لە سەرەتاوە یاریزانانی تۆتنهام پێشڕەوییان کرد و بە پلانی فشار و هێڕشبردن دەستیان پێکرد، لەولاشەوە یاریزانانی یانەی ئەڕسناڵ بە پشتبەستن بە هێڕشی هەڵگەڕاوە و داخستنی ڕووبەڕووەکان بە ڕووی ڕکابەرەکەیان وەستانەوە، تا لە خولەکی ١١ـی گێمی یەکەمدا یاریزانی ئاستبەرزی ئەڵمانی تۆپوەشێنەکان "مەسعود ئۆزێل" لە هێڕشێکی هەڵگەڕاوەدا یانەکەی بە گۆڵێک پێشخست، ئەو تایمەش بەو ئەنجامە (١-٠) تەواو بوو.
لە گێمی دووەمدا، یاریزانانی یانەی تۆتنهام هەڵسانەوەیەکی گەورەیان پیشاندا و کۆنتڕۆڵی تەواوی یاریگایان کرد، هەروەها توانیان لە ڕێگەی "هاری کین"ـەوە دوو گۆڵ لە خولەکەکانی ٥٦ و ٨٦ تۆمار بکەن، بەوەش یارییەکەیان بە ئەنجامی ٢-١ گۆڵ بەربەستی گانەرزیان تێپەڕاند.
بەو ئەنجامەش، یانەی تۆتنهام کۆی خاڵەکانی خۆی گەیاندە ٤٠ خاڵ لە پلەی شەشەمی ڕیزبەندی، خاڵەکانی یانەی ئەڕسناڵیش ٤٢ خاڵ وەکو خۆی لە پلەی پێنجەم مایەوە.
إرسال تعليق