یانەی بەرشەلۆنە هەر لە سەرەتای وەرزی ئەمساڵدا، بە جیاوازییەکی گەورە پێش یانەی شاهانە کەوتبوو، بۆیە چاودێران لە زووەوە بەرگی پاڵەوانیان بە بەر بلۆگرانادا کردبوو، یانەی شاهانەش تا ڕادەیەکی زۆر گەیشتبووە ئەو باوەڕەی کە دەستبەرکردنی نازناوی پاڵەوان زۆر ئەستەمە.
شایەنی باسە هەردوو یانە زەبەلاحەکەی ئیسپانیا و جیهان (ڕیاڵ و بەرشەلۆنە) لە وەرزی ئەمساڵدا لە ئاست خواستی هاندەرانیان نەبوون و ئەنجامەکانیشیان دڵخۆشکەر نەبوون، بە تایبەت لەسەر ئاستی ئەوروپیدا، چونکە هەردووکیان لەسەر دەستی یانەکانی ئەڵمانیا لە قۆناغی پێش کۆتایی چامپیۆنسلیگ کرانە دەرەوە، بە تایبەت یانەی بلۆگرانا کە لەسەر دەستی یانەی باڤاری لە یاری چوون و هاتندا تووشی ڕیسوایەکی گەورە هات و بە ئەنجامی (7-0) لە پاڵەوانێتییەکە دوورخرایەوە.
بۆیە لە بەشی وەرزشی سایتی قەڵەم پرێس پیرۆزبایی خۆمان پێشکەش بە هاندەرانی یانە کەتەلۆنییەکە دەکەین لە هەرێمی کوردستان.
إرسال تعليق