میوه حه‌ڕامه‌كه، میوه‌یه‌كه ئیسلام حه‌ڕامی كردووه، ئه‌و میوه‌یه‌ی كه خه‌ڵكی ئه‌و سه‌رده‌مه به نه‌وسنی زۆره‌وه خۆشیان ده‌وێت، له هه‌موو كات و له هه‌موو شوێن و له هه‌موو بوارێكدا حازره...
ئه‌و میوه‌یه‌ی دڵخۆشكه‌ری خه‌ڵكه له كاته‌كانی ده‌ستبه‌تاڵییدا.. نه‌خاسمه له كاته‌كانی كاركردندا.. ئه‌و میوه‌یه‌ی هه‌ژار و ده‌وڵه‌مه‌ند ده‌یخۆن..
ئه‌و میوه‌یه‌ی، كه خودای گه‌وره له قوڕئانی پیرۆز حه‌ڕامی كردووه و، ئه‌و كه‌سه‌یشی بیخوات، به ناشیرترین سیفه‌ت وه‌سفیكردووه... پێغه‌مبه‌ری خۆشه‌ویستیشمان (دروودی خوای لەسەربێت) قه‌ده‌غه‌ی كردووه ئه‌و میوه‌یه بخۆین...
ئێستا پێموایه زانیتان مه‌به‌ستم كامه میوه‌یه، به‌ڵێ، ئه‌و میوه‌یه، غه‌یبه‌ته...
پێشه‌وای گه‌وره (حه‌سه‌نی به‌سڕی) غه‌یبه‌تی به میوه‌ی ژنان وه‌سفكردووه، لێ له ئێستادا، ئه‌و سیفه‌ته به‌س بۆ ژنان نییه، به‌ڵكه بۆته میوه‌ی هه‌مووان، ژن بن، یان پیاو..
ڕاسته غه‌یبه‌ت زیاتر لای ژنان ده‌رده‌كه‌وێت، به‌ڵام له لای پیاوانیش هه‌یه.. ئێستا كاتی ئه‌وه هاتووه، كه به شێوه‌یه‌كی زۆر جیددیانه‌وه له خۆمان بپرسین: ئایا واده‌ی ئه‌وه نەهاتووە ئه‌و میوه‌یه له خۆمان حه‌ڕام بكه‌ین؟!.
إرسال تعليق