خانووێکی گرانبەها لەناو درەختدا

خانووی (Luxury Tree) یان درەختی گرانبەها، کە لە لایەن کۆمپانیای (Blue Forest) دیزاین و نەخشەسازی بۆ کراوە، داهێنانێکی ناوازەی نوێیە، کە بە سەرنجڕاکێشییەکەی، بینەر بۆ لای خۆی کێش دەکات.

خانووەکە لە حەوشەی دواوەی ماڵان دادەنرێت و بۆ پێشوازی مێوانان و نووسینگەی تایبەتی بەکاردەهێنرێت.

خانووەکە تایبەتمەندییەکەی لە قەبارە گەورەکەیدایە، کە چێشتخانەیەکی سەردەمی و شوێنی نانخواردنی تایبەت و حەمام و تەوالێتی تایبەت و تاقم قەنەفە و شوێنی حەسانەوەی تایبەت لەخۆدەگرێت. جگە لەوەش، خانووەکە خاوەن نەخشەسازییەکی تەختەیی پیشەگەرییانەیە، دەرگاو پەنجەرەکانیشی لە شووشە دروستکراون.