کەواتە ڕاستییەکی زانستی دووپاتکەرەوە هەیە، کە دەیسەلمێنێت، لە هەر شوێنێك ئاو هەبیت، ژیانیش لەوێ هەیە، بۆ نموونە: تەنانەت مرۆڤیش لاشەکەی لە ئاو و کانزاکان و هاوشێوەی کانزاکان پێکدێت، کە ئاو نزیکەی دوو لەسەر سێی جەستەکەی پێکدێنێت، سێیەکەکەی تریشیی بریتییە لە مادە وشکەکان کە هەر هەموویان لە ئاو و خۆڵدا (قوڕ) هەن.
زانایان هەڵسان بە شیکردنەوەی پێکهاتە و توخمە سەرەکییەکانی جەستەی مرۆڤ، دەرەنجامەکەش ئەوە بوو، کە ئاو نزیکەی دوو لەسەر سێی جەستەکەی پێکدێنێت!، کە لێرەدا فەرمایشتی خودامان دێتەوە یاد کە دەفەرمووێت: (( وَجَعَلْنَا مِنَ الْمَاءِ كُلَّ شَيْءٍ حَيٍّ )) الأنبیاء ـ 30 ـ، واتە: له ئاو هه‌موو شتێكى زيندوومان فه‌راهه‌م هێناوه.
بەڵام با بزانین پێکهاتەکانی غەیری ئاو چین لە جەستەی مرۆڤ؟!، وەڵامەکەشی ئەوەیە: هەمان ئەو توخمانەن کە لە خۆڵ هەن، واتە پێکهاتەکانی جەستەی مرۆڤ بریتین لە: کاربۆن و کلۆر و کبریت و فسفۆڕ و کالسیۆم و ئاسن، کە هەموو ئەو مادانە لە خۆڵدا هەن!، ئەو ڕاستییەش بەڵگەیەکی زانستی بەهێزە کە مرۆڤ لە خۆڵ دروستکراوە.. خودای گەورە بە بێدینەکان دەڵێت کە باوەڕیان بە زیندووبوونەوەی دوای مردن نییە: (( يَا أَيُّهَا النَّاسُ إِنْ كُنْتُمْ فِي رَيْبٍ مِنَ الْبَعْثِ فَإِنَّا خَلَقْنَاكُمْ مِنْ تُرَابٍ )) الحج ـ 5 ـ، واتە: ئه‌گه‌ر ئێوه گومانتان له زيندوو بوونه‌وه هه‌يه، ئه‌وه چاك بزانن كه ئێمه سه‌ره‌تا ئێوه‌مان له خاك و خۆڵ دروستكردووه.
ئاو نزیکەی دوو لەسەر سێی جەستەی مرۆڤ پێکدێنێت، سێیەکەکەی تریشیی بریتییە لە مادە وشکەکان کە هەر هەموویان لە ئاو و خۆڵدا (قوڕ) هەن، ئایەتە قوڕئانییەکانیش ئەو ڕاستییانە دووپاتدەکەنەوە.. قوڕئانی پیرۆز کاتێك باسی دروستکردن و پێکهاتەی جەستەی مرۆڤ دەکات، تەواوی وردەکارییەکانمان پێدەبەخشێت.
إرسال تعليق