لە یەکێك لە خوێندنگاکانی سوڵتاننشینی عوممان، کاتێك مامۆستای زمانی عەڕەبی لە پۆلی دووەمی سەرەتایی خەریکی دابەشکردنی پەڕاوی تاقیکردنەوەکان بوو کە پلەی لەسەر دانابوون، یەکێك لە قوتابییەکان گوتی: مامۆستا، پلەکانم ( 8 لە 10 ) یە!، لە کاتێکدا نیشانەی هەڵەت لە بەرامبەر هیچ کام لە وەڵامەکانم دانەناوە!. مامۆستا وەڵامی دایەوە: دوو پلەم لە پلەکانی گوزارشتکردن (التعبیر) لێ کەمکردوویەوە.. قوتابییەکە گوتی: من هەموو پلەکانم دەوێت ( 10 لە 10 )، ئەو سوور بوو لەسەر وەرگرتنی تەواوی نمرەکانی، بۆیە دەستیکرد بە مشتومڕ لەگەڵ مامۆستاکەی!.
مامۆستاکە ویستی قوتابییەکەی ناڕەحەت نەکات، چونکە یەکێك بوو لە قوتابییە زیرەکەکان، بۆیە پێیگوت: ئەگەر خۆڵی بەهەشت بێنی، پلەکانت بە تەواوی پێدەبەخشم (مامۆستا بەو داوایەی، دەیوست قوتابییەکە تووشی مەوقیف بکات و پلەکان بە تەواوی وەرنەگرێت).
قوتابییەکە بەرچاوڕوون بوو، گەڕایەوە ماڵەوە. بۆ ڕۆژی دوایی بە کیسێك خۆڵەوە هاتەوە بۆ لای مامۆستاکەی!. مامۆستا پێیگوت: ئەوە چییە؟!، قوتابییەکە وەڵامی دایەوە: ئەوە خۆڵی بەهەشتە کە داوات لێکردم!. مامۆستا پێیگوت: لە کوێ دەستتکەوت؟!. قوتابییەکە وەڵامی دایەوە: بە دایکم گوت بڕوات، منیش خۆڵی ژێر پێیم کۆدەکردەوە و دەمکردە ناو ئەو کیسە!، خۆ تۆ پێتگوتووین کە پێغەمبەرمان (دروودی خوای لەسەربێت) فەرموویەتی: (( ان الجنة تحت اقدام الامهات ))، واتە: بەهەشت لە ژێر پێی دایکاندایە!.
بۆیە مامۆستا پلەکانی بۆ تەواو کرد و کردنی بە ( 10 لە 10 )، ئەمەش لەبەر ئەوەی قوتابییەکە بەو هەڵوێستەی، مامۆستاکەی تووشی سەرسوڕمانی و سەرسامی کرد.
إرسال تعليق