هەموو کۆتاییەك، سەرەتایەکی تازەیە

ئەگەر ئێوە کەسانێکی عاتیفین و هەست بە سۆز و عەتفی ڕابردوو دەکەن، کلینکس لای خۆتان دابنێن، چونکە ئەو کورتە فیلمەی لەو بابەتە دامانناوە، کە لە ژیانەوە تا مردن دەستپێدەکات، لە سەرەتاوە تا کۆتایی، دەتوانن لە یەك بینیندا کە لە بەرچاوتاندا دەگۆڕێت، ژیانی ئافرەتێك ببینن، هەر لە قۆناغی منداڵێتییەوە تا دەگاتە قۆناغی پیرێتییەوە، کە ئەستەم دەبێت چاوەکانمان فرمێسك نەبارێنن!.

بەرهەمهێنانی ئەو پارچە ڤیدیۆ جادووگەریانەیە، کە وەکو ئاگری ناو پووش و گیا بڵاو دەبێتەوە، لە شاکارەکانی تیمی (Stonehouse‏)ـە، کە سەرکەوتوو بوون لە نمایشکردنی تەواوی چیرۆکێك لە 4 خولەکدا، چیرۆکێکی خەماوی لەسەر قۆناغە جیاوازەکانی ژیان!.

ئەو پارچە ڤیدیۆیە، ئەو بیرکردنەوەیەمان بۆ دروست دەکات، ئەگەر سەرلەنوێ لە ژیانێکی تازەوە دەستپێبکەین، ئایا سەرەتاکەمان و کۆتاییەکەمان چۆن دەبێت؟!، ئایا دەتوانین چی بکەین و چی لەو ماوە کورت و خێرایەی تەمەنمان پێشکەش بکەین؟!.

هەر لەگەڵ بینینی ئەو پارچە ڤیدیۆیەدا، سەرسام دەبن بەو دەستڕەنگینیەی لە بواری تەکنیکی و تەکنەلۆژی تێیدا بەرجەستەکراوە، هەندێکیشتان بە موفاجەئەوە زۆر شتی ژیانتان دەکەوێتە بەرچاو، هەستیش بەو فشارە دەکەن بۆ هەڵسان بە ئەنجامدانی هەندێك شت پێش ئەوەی پیر ببن!، بەڵام ئەوەی لێی دڵنیا دەبین ئەوەیە، کە ئەو پارچە ڤیدیۆ کورتە، ورووژێنەرە و ڕاستی ئەو وتەیە پشتڕاست دەکاتەوە، کە دەڵێت: هەموو کۆتاییەك، سەرەتایەکی تازەیە.